Kostnaðarlínur

Kostnaðarlínur gera þér kleift að skrá flutningskostnað og annan kostnað á innflutningstollskýrslu í mörgum línum. Hver lína getur haft eigin kostnaðargerð, lánadrottinn, gjaldmiðil og kostnaðarauka.

Þegar aðgerðin er virk birtast kostnaðarlínurnar á tollskýrsluspjaldinu í stað eldri kostnaðarreita í hausnum.

Að virkja aðgerðina

Kostnaðarlínur eru virkjaðar í stillingum tollakerfis með reitnum Nota kostnaðarlínur. Þar er einnig hægt að setja sjálfgefinn lánadrottinn og kostnaðarauka fyrir flutningskostnað og annan kostnað. Sjá nánar Stillingar tollakerfis.

Reitir

Kostnaðarauki:

Kostnaðaraukinn sem notaður er þegar innkaupareikningur er stofnaður út frá línunni. Fær sjálfgefið gildi úr stillingum eftir kostnaðargerð.

Kostnaðargerð:

Segir til um hvort línan er Flutningur eða Annað. Þegar kostnaðargerð er valin fyllir kerfið sjálfkrafa inn sjálfgefinn lánadrottin, kostnaðarauka og lýsingu.

Lýsing:

Skýring á kostnaðinum. Fær sjálfgefið gildi eftir kostnaðargerð en hægt er að breyta.

Kostnaður:

Upphæð kostnaðarins í gjaldmiðli línunnar. Þegar upphæð er breytt uppfærir kerfið heildarupphæð tollskýrslu að meðtöldum kostnaði.

Gjaldmiðill:

Gjaldmiðill kostnaðarins. Ef reiturinn er auður er miðað við ISK.

Kostnaður í ISK:

Kostnaðurinn reiknaður yfir í íslenskar krónur. Reiturinn er ekki breytanlegur.

Kostnaður í gjaldmiðli skjals:

Kostnaðurinn reiknaður yfir í gjaldmiðil tollskýrslunnar. Reiturinn er ekki breytanlegur.

Lánadrottinn:

Lánadrottinninn sem innkaupareikningur er stofnaður á. Fær sjálfgefið gildi úr stillingum eftir kostnaðargerð.

Ekki stofna innkaupareikning:

Ef hakað er í reitinn er ekki stofnaður innkaupareikningur út frá línunni. Nota má þetta fyrir kostnað sem á aðeins að reikna inn í tollverð en ekki bókast sem reikningur.

Samtölur á tollskýrslu

Þegar aðgerðin er virk birtast tvær samtölur á tollskýrsluspjaldinu:

• Samtals flutningskostnaður (ISK) - summa allra kostnaðarlína af gerðinni flutningskostnaður.
• Samtals annar kostnaður (ISK) - summa allra kostnaðarlína af gerðinni annar kostnaður.

Innkaupareikningar

Þegar innkaupareikningar eru stofnaðir út frá tollskýrslu býr kerfið til reikning fyrir hverja kostnaðarlínu:

• Línur með kostnað sem er núll eða þar sem hakað er í Ekki stofna innkaupareikning eru sniðgengnar.
• Línur með sama lánadrottin eru sameinaðar í einn innkaupareikning.
• Lánadrottinn og kostnaðarauki verða að vera skráð, annars kemur villa.