Viðbótatorg Rue de Net

Allar aðgerðir og virkni Viðbótatorgs Rue de Net sem að kemur notanda er aðgengileg í gegnum eina síðu, samnefndu síðuna Viðbótatorg Rue de Net.

Hægt er að finna síðuna með því að smella á stækkunarglerið efst til hægri í Business Central (flýtilykill: Alt + Q) og leita að nafninu.

Kynning á síðunni

Þegar síðan er opnuð í fyrsta sinn birtist kynning á helstu svæðum hennar. Hægt er að endurtaka kynninguna með því að smella á heiti síðunnar og velja "Endurtaka kynningu".

Skráning Rue de Net viðskiptavinar

Efst á síðunni er svæðið Skráning Rue de Net viðskiptavinar. Þessar upplýsingar eru sendar til Rue de Net til að stofna til viðskipta.

Það á að gerast sjálfkrafa en einnig er til aðgerðin Senda upplýsingar um viðskiptavin aðgengileg undir Aðgerðir til að framkvæma sendingu gagnanna handvirkt.

Til að breyta gildum þessa svæðis má smella á Kenni viðskiptavinar gildið, Nafn viðskiptavinar gildið, eða aðgerðina Breyta viðskiptavini.

Þá opnast síða þar sem hægt er að breyta gildunum.

Nánari lýsingu á reitum má finna hér.

Viðbótalisti

Hér má sjá allar Rue de Net viðbætur sem aðgengilegar eru í Microsoft AppSource.

Í gegnum listann er hægt að hlaða inn, fjarlægja og setja upp viðbætur, auk þess sem skjölun fyrir hverja og eina er aðgengileg.

Fyrsta skrefið er alltaf að hlaða viðbótinni inn. Eftir það verða fleiri aðgerðir aðgengilegar, t.d. að ganga í gegnum uppsetningu.

Ef uppsetningu er ekki lokið fyrir viðbótina stendur "Þarfnast frekari uppsetningar" í rauðu í sömu línu og viðeigandi viðbót, annars "Uppsetningu lokið" í grænu. Hægt er að smella á textann til að opna uppsetningu með aðstoð.

Nánari lýsingu á aðgerðum má finna hér.

Sjálfvirkni

Hér má sjá aðgerð sem heitir "Yfirlit yfir sjálfvirkni". Þessi aðgerð opnar síðu sem sýnir mögulegar vinnsluraðarfærslur fyrir allar Rue de Net viðbætur, og þar er einnig hægt að setja upp og sjá virkar eða óvirkar vinnsluraðarfærslur.

Hér má sjá yfirlit yfir allar vinnsluraðarfærslur Rue de Net fyrir hverja viðbót.

Frá yfirlitinu er hægt að velja sjálfvirkni og setja upp vinnsluraðarfærslu, opna vinnsluraðarfærslu eða opna vinnsluraðarskrá.

Til þess að setja upp vinnsluraðarfærslu, þarftu að velja hversu oft hún á að keyrast. Ef sérsniðið er valið þá opnast vinnsluraðarfærslan með grunnstillingum og hægt er að breyta þeim.

Hér má sjá hvernig vinnsluraðarfærslan lítur út sem er búinn til með grunnstillingum. Þegar vinnsluraðarfærslan er tilbúin, þarf einungis að ýta á "Breyta Staða í Tilbúið" til að virkja hana.

Sumar vinnsluraðarfærslur krefjast meiri uppsetningar, en þá kemur flýtileið þar sem sú uppsetning verður opnuð.

Sumar vinnsluraðarfærslur krefjast þess að fá inntak. Til dæmis krefst þessi vinnsluraðarfærsla að fá bankareikning og þá er hægt að ýta á þrjá punktana hægra megin í bankareikningsreitnum til þess að opna lista með öllum bankareikningum.

Aðgerðir Viðbótatorgs

Aðgerð	Lýsing
Uppsetningarstaða viðbóta	Opnar síðu sem sýnir stöðu upphleðslu viðbóta.
Breyta viðskiptavini	Opnar síðu til að breyta upplýsingum um viðskiptavin (sjá Skráning Rue de Net viðskiptavinar).
Viðbótaaðgerðir	Aðgerðir sem snúa að viðbótum Rue de Net. Sjá nánar hér.
Endurhlaða	Hleður síðunni og gögnum hennar upp á nýtt.
Uppsetning Viðbótatorgs	Opnar uppsetningarsíðu sem gerir notanda kleift að athuga sinn aðgang og framkvæma daglega keyrslu. Sjá nánar hér.
Senda upplýsingar um viðskiptavin	Handvirk leið til að senda upplýsingar um viðskiptavin til Rue de Net. Ef sending tekst birtast staðfestingarskilaboð.
Yfirlit yfir sjálfvirkni	Opnar síðu til að sjá og setja upp sjálfvirkni fyrir hverja Rue de Net viðbót.

Viðbótaspjald

Ef smellt er á nafn viðbótar í listanum opnast spjaldsíða viðbótarinnar.

Síðan bíður upp á sömu virkni og er að finna á viðbótalistanum (sjá hér). Auk þess sýnir hún nafn, GUID kenni viðbótarinnar og útgáfu sem hlaðið er inn ef einhver er.