Aðgerðasaga greiðsluseðla krafna til banka

Hér má finna útskýringar á reitum og aðgerðum á lista og spjaldi fyrir aðgerðasögu tilrauna til að senda greiðsluseðla krafna til banka. Sjá lýsingu á virkni nánar hér.

Reitir og aðgerðir eru mest megnis eins fyrir listasíðu og spjaldsíðu þannig þær verða taldar upp saman að neðan.

Mynd 1: Listi af tilraunum til að senda greiðsluseðla á bak við kröfur í banka

Mynd 2: Dæmi um spjaldsíðu tilraunar sem hefur mistekist

Við sjáum að hún er afleiðing þess að reyna eldri tilraun aftur. Auk þess má sjá að búið er að reyna þessa tilraun aftur. Upplýsingar um upprunalegu tilraun og síðustu tilraun sem reyndi þessa tilraun er að finna á spjaldinu.

Mynd 3: Dæmi um spjaldsíðu tilraunar sem hefur tekist

Reitir

Reitur	Lýsing
Kenni tilraunar	Einkvæmt kenni þessarar tilraunar.
Dagur/Tími	Tímasetning þessarar tilraunar.
Lýsing	Lýsing þessarar tilraunar. Dæmi um gildi: - Senda greiðsluseðla krafa í bunka KRB000055 í bankann. - Reyna aftur að senda greiðsluseðla krafna tilraunar 177 í bankann. - Reyna aftur að senda valda greiðsluseðla krafna tilraunar 177 í bankann.
Staða	Tilraunir hafa stöðu, en einnig einstakir greiðsluseðlar í tilraun (sjá undirsíðuna Greiðsluseðlar krafna í tilraun). Staða á greiðsluseðli hefur tvö möguleg gildi, "Tókst" eða "Mistókst". Staðan er þá "Tókst" ef greiðsluseðillinn fylgdi með í þjöppuðu skránni sem var send til bankans. Greiðsluseðill er aldrei merktur "Tókst" í tilraun sem komst ekki alla leið til bankans. Tilraun hefur stöðu "Sending mistókst" ef ekkert var sent til bankans. Ef allir greiðsluseðlar í tilraun voru sendir án villna hefur tilraunin stöðu "Allt sent". Loks fær tilraun stöðu "Sumt sent" ef það tókst að senda einhverja greiðsluseðla til bankans en þó séu einhverjir eftir með stöðu "Mistókst". Athugið að þótt skjal sé merkt sem "Tókst" er því miður ekki þar með sagt að skjalið hafi komist alla leið til birtingakerfis Reiknistofu Bankanna, sjá Fyrirvari um stöðu skjala að neðan.
Villuskilaboð	Villuskilaboð tilraunar ef einhver eru, eða villuskilaboð við gerð einstaka greiðsluseðils á undirsíðunni Greiðsluseðlar krafna í tilraun.
Kröfubunkanúmer	Kröfubunkanúmer sem upphafleg tilraun varð til við að senda.
Tilraun reynir aftur	Segir til um hvort tilraun sé afleiðing þess að reyna aðra tilraun aftur.
Upprunalega tilraun	Kenni upprunalegu tilraunar. Þessi tilraun var afleiðing þess að reyna aftur upprunalegu tilraunina.
Síðasta tilraun	Kenni síðustu tilraunar sem reyndi þessa tilraun aftur.

Aðgerðir

Aðgerð	Lýsing
Sýna allar færslur	Aðgerð á spjaldsíðu sem opnar listasíðuna.
Sýna villuskilaboð	Sýnir villuskilaboð tilraunarinnar ef einhver eru. Athugið að hún sýnir ekki smáatriði um einstaka greiðsluseðla heldur tilraunina í heild. Villuskilaboð einstakra greiðsluseðla eru svo aðgengileg í samnefndri aðgerð undir Greiðsluseðlar krafna í tilraun.
Reyna aftur greiðsluseðla á villu	Reynir að búa aftur til greiðsluseðlana sem mistókust í tilrauninni byggt á aðgerðasögu og sendir þá sem verða rétt til til bankans ef einhverjir eru. Við þetta verður til ný aðgerðasögufærsla sem tekur saman niðurstöður.
Endursenda valda	Aðgerð á undirsíðunni Greiðsluseðlar krafna í tilraun. Reynir að búa aftur til valda greiðsluseðla og sendir þá sem verða rétt til til bankans ef einhverjir eru. Við þetta verður til ný tilraun í aðgerðasögunni sem tekur saman niðurstöður sendinga.
Opna aðgerðasögu reikninga	Opnar aðgerðasögu kröfureikninga síað á sama kröfubunka, til að sjá stöðu reikninga samhliða greiðsluseðlum ef einhverjir eru.

Fyrirvari um stöðu skjala

Athugið að ef skjal er merkt sem sent er því miður ekki þar með sagt að það hafi komist alla leið til heimabanka heldur einungis að tekist hafi að senda það til vefþjónustumillilags viðeigandi banka.

Þá á bankinn eftir að senda skjölin áfram á Reiknistofu Bankanna (RB) sem vinnur loks enn frekar úr þeim með sinni eigin villuleit.

Ef skjölin komast alla leið til birtingarkerfis RB fær sá sem er skráður fyrir póstum þeirra megin staðfestingu og niðurbrot á innlestri skjalanna. Uppfærð skjöl eru þau skjöl sem lesin hafa verið oftar en einu sinni ef einhver eru. Ef greiðsluseðill hefur áður verið sendur til viðkomandi þá er hann yfirskrifaður í staðinn fyrir að hann birtist tvisvar í heimabanka viðkomandi.