Fara beint í efni
Vegvísir

Leita í Vegvísi

Sláðu inn leitarorð til að finna leiðbeiningar.

English
Valmynd
Á þessari síðu

Viðskiptamannastillingar

Þessi síða er fyrir kerfisstjóra og ráðgjafa. Viðskiptamannastillingar eru safn reglna um dagsetningar, gjöld, vexti og vanskilagjald krafna. Þú býrð til eina stillingu fyrir hvern hóp viðskiptamanna sem á að hafa aðrar reglur og tengir hana við viðskiptamennina.

Tilgangur

Þegar krafa er mynduð á viðskiptamann sem hefur viðskiptamannastillingu gilda reglur hennar í stað Stillingar - RdN Kröfur og uppsetningar bankareikningsins. Dæmi: Dæmi ehf. greiðir ekkert seðilgjald og fær 10 daga frá gjalddaga til eindaga, en aðrir viðskiptamenn fá 5 daga.

Ef ítarleg uppsetning innheimtuauðkenna er virk og auðkenni passar við kröfubunkann, ganga reglur auðkennisins fyrir viðskiptamannastillingum.

Forsendur

Heimildir

Þú þarft heimild til að breyta RdN Viðskiptamannastillingar og viðskiptamönnum.

Skref

  1. Leitaðu að RdN Listi viðskiptamannastillinga og veldu Nýtt.

  2. Skráðu Kóði, til dæmis ENGINGJOLD.

  3. Í flýtiflipanum Tímabil, fylltu út Lágmarks tímabil gjaldaga, Gjalddagi (sem reiknar eindaga út frá gjalddaga) og Niðurfellingar dagur. Sjá Dagsetningar á kröfum.

  4. Í flýtiflipanum Gjöld, fylltu út Tilkynningagjald, Annar kostnaður og Lágmarks upphæð kröfu. Settu 0 ef viðskiptamennirnir eiga ekki að greiða gjald.

  5. Í flýtiflipanum Bankareikningur, fylltu út vexti og vanskilagjald eins og lýst er í Vextir og vanskilagjald, og hakaðu í Hlutagreiðsla leyfileg ef viðskiptamennirnir mega greiða hluta kröfu.

    Viðskiptamannastillingar

  6. Opnaðu viðskiptamannaspjaldið og veldu kóðann í RdN Viðskiptamannastillingar í flýtiflipanum Almennt.

    Viðskiptamannastillingar á viðskiptamannaspjaldi

Allir reitir stillingarinnar eru notaðir. Tómur reitur þýðir ekkert gjald eða engir vextir, ekki gildið úr almennu stillingunum.

Staðfesta

Myndaðu kröfu á viðskiptamanninn og opnaðu kröfuspjaldið. Eindagi, gjöld og reglur um vexti og vanskilagjald eiga að koma úr viðskiptamannastillingunni. Ef kóðinn á viðskiptamanninum er ekki til stöðvast myndun krafna með Uppsetning viðskiptamanns %1 fannst ekki fyrir viðskiptamann %2. Sjá Aðstoð.