Fara beint í efni
Vegvísir

Leita í Vegvísi

Sláðu inn leitarorð til að finna leiðbeiningar.

English
Valmynd
Á þessari síðu

Bankaþjónustur

Bankaþjónusta segir Bankakerfi hvaða banka á að tala við og hvernig. Þú stofnar eina bankaþjónustu fyrir hvern banka sem fyrirtækið er með B2B-tengingu við. Flest fyrirtæki eru með eina, en kerfið ræður við margar.

Ef engar bankaþjónustur eru til þegar þú keyrir uppsetningu með aðstoð stofnar hún sjálfgefnar bankaþjónustur: ARION, ISB, LI, KVIKA og prófunarþjónustu. Þá þarftu aðeins að fara yfir þær og stofna þær sem vantar.

Tilgangur

Bankaþjónustan er tengd við bankareikninga og bankanotendur. Þegar notandi sækir færslur, stofnar kröfu eða sendir greiðslu af bankareikningi finnur kerfið bankaþjónustu reikningsins og notar bankanotanda notandans í þeim banka.

Forsendur

Heimildir

Þú þarft heimild til að breyta RdN Uppsetning bankaþjónustu.

Skref

  1. Leitaðu að RdN Listi uppsetninga bankaþjónusta og opnaðu síðuna.

    Listi uppsetninga bankaþjónustu

  2. Veldu Uppsetning með hjálp. Þá opnast RdN Bankaþjónusta - Uppsetning með hjálp.

  3. Skráðu Kóði, til dæmis LANDSBANKI. Kóðinn er það sem þú velur síðar í Uppsetning bankaþjónustu á bankareikningi og bankanotanda.

  4. Hakaðu við Nota Fjárhagstengingar Cloud.

    Kóði og Fjárhagstengingar Cloud

  5. Veldu bankann í Tegund:

    TegundBanki
    liLandsbankinn
    isbÍslandsbanki
    arionArion banki
    kvikaKvika

    Tegund bankaþjónustu

  6. Ljúktu við og veldu Lokið. Endurtaktu fyrir hvern banka.

Á spjaldinu RdN Uppsetning bankaþjónustu eru nokkrir reitir sem gilda aðeins fyrir einn banka:

  • Ekki nota STP borganir á aðeins við um Landsbankann. Þá stoppar greiðslubunkinn í bankanum og einhver þarf að samþykkja hann í netbankanum áður en greitt er.
  • Bunki sýnilegur öllum notendum á aðeins við um Arion banka. Þá sjá allir notendur fyrirtækisins í netbankanum bunkana sem eru sendir.
  • Wse á að vera wse3. Veldu wse2 aðeins ef bankinn styður ekki wse3.

Spjald bankaþjónustu

Aðrir reitir á spjaldinu, til dæmis slóðir og proxy-stillingar, eru aðeins notaðir þegar Fjárhagstengingar Cloud er ekki notað. Hafðu samband við Rue de Net ef þú telur þig þurfa þá.

Staðfesta

  • Bankaþjónustan birtist í RdN Listi uppsetninga bankaþjónusta með réttri Tegund.
  • Þegar bankareikningur er tengdur bankaþjónustunni og notandi hefur skráð sig getur hann sótt bankafærslur eða ógreiddar kröfur.

Ef bankareikningur er ekki tengdur bankaþjónustu stöðvast fyrirspurnin með villu um að ekki hafi fundist vefþjónusta fyrir reikninginn. Veldu þá bankaþjónustu á reikningnum. Öll skilaboð eru í Aðstoð.