Búa til millifærslu
Stundum þarf að greiða strax án þess að bíða eftir greiðslutillögu, til dæmis endurgreiða starfsmanni eða greiða verktaka sem bíður. Aðgerðin Búa til millifærslu í RdN Útgreiðslubók býr til eina greiðslu, og það má gera áður en reikningurinn er bókaður. Sama aðgerð færir líka fé á milli eigin bankareikninga fyrirtækisins.
Sviðsmynd
Verktaki hjá Dæmi ehf. hefur lokið verki og bíður eftir greiðslu. Gjaldkerinn millifærir á hann strax og bókarinn jafnar greiðsluna á móti reikningnum þegar hann hefur verið bókaður.
Áður en þú byrjar
- Ef þú greiðir lánardrottni er bankareikningur hans skráður á lánardrottnaspjaldinu. Kerfið sækir hann sjálfkrafa.
- Ef þú millifærir á eigin reikning er hann skráður sem bankareikningur í Business Central.
Skref fyrir skref
-
Opnaðu RdN Útgreiðslubók og veldu bunka og bankareikninginn sem greitt er af.
-
Veldu Búa til millifærslu.

-
Í Millifæra á Tegund velur þú Lánardrottinn eða Minn eigin bankareikning.
-
Veldu lánardrottin eða bankareikning í Millifæra á Nr., gjaldmiðil í Gjaldmiðill og upphæð í Upphæð. Veldu Í lagi.

-
Kerfið býr til línu með lýsingunni Millifæra á og nafni viðtakanda, og bankareikningslínu með stöðuna Ósend. Á meðan ekkert hefur verið sent getur þú eytt línunni.

-
Veldu Senda bunka í banka. Staðan verður Send í banka.
-
Ef bankinn krefst tvöfaldrar staðfestingar skaltu staðfesta bunkann í heimabankanum.
-
Veldu Athuga stöðu bunka þar til staðan er Staðfest frá banka og bókaðu svo.
Niðurstaða
Féð er millifært og greiðslan bókuð. Greiðsla á lánardrottin er opin færsla þar til þú jafnar hana á móti reikningnum. Millifærsla á eigin reikning er bókuð á milli bankareikninganna tveggja.
Næsta skref er að greiða lánardrottnum.
Ef eitthvað fer úrskeiðis
- Ekki er hægt að millifæra á sama reikning og þú greiðir út af Þú valdir sama bankareikning og bókin greiðir af. Veldu annan reikning.
- Ef þú velur hvorki viðtakanda né upphæð býr kerfið ekki til neina línu.
Öll skilaboð eru í Aðstoð.