Fara beint í efni
Vegvísir

Leita í Vegvísi

Sláðu inn leitarorð til að finna leiðbeiningar.

English
Valmynd
Á þessari síðu

Flytja bankafærslur í greiðslubók

Sumar færslur eru bara til í bankanum, til dæmis bankagjöld, vextir og innborganir sem hafa ekki verið bókaðar. Úr RdN Afstemming flytur þú þær í færslubók, bókar þær og jafnar síðan.

Sviðsmynd

Í afstemmingu mánaðarins hjá Dæmi ehf. standa eftir bankagjöld og innborgun frá Prófun hf. sem enginn hefur bókað. Bókarinn merkir færslurnar, flytur þær í greiðslubók, bókar og keyrir sjálfvirka jöfnun aftur.

Áður en þú byrjar

Skref fyrir skref

  1. Merktu færslurnar í Bankareikningshreyfingar (frá banka) og veldu Flytja markað í greiðslubók. Til að flytja allar ójafnaðar færslur velur þú Flytja í greiðslubók.

    Flytja markað í greiðslubók

  2. Veldu Bókarsniðmát og Greiðslubunki og veldu Í lagi.

    Velja færslubók

  3. Ef línur eru þegar í bókinni spyr kerfið Það eru %1 fyrir í inngreiðslubókinni, viltu eyða þeim? Svaraðu játandi til að byrja með tóma bók, eða neitandi til að bæta við.

  4. Færslubókin opnast. Kerfið hefur fyllt út línurnar:

    • Innborgun þar sem kennitala greiðanda er kennitala viðskiptamanns fer á viðskiptamanninn og er jöfnuð á móti opinni færslu út frá tilvísuninni.
    • Útborgun þar sem kennitalan í tilvísuninni er kennitala lánardrottins fer á lánardrottininn.
    • Færsla með flokkunarkóta sem er varpað á bókhaldslykil fer á þann lykil.

    Bankafærslur í færslubók

  5. Fylltu út reikning á línum sem kerfið gat ekki fyllt út og jafnaðu við opnar færslur ef þarf.

  6. Bókaðu bókina.

  7. Farðu aftur í RdN Afstemming og veldu Keyra sjálfvirka jöfnun. Nýbókuðu færslurnar jafnast á móti bankafærslunum.

Niðurstaða

Færslurnar sem vantaði eru bókaðar á bankareikninginn í Business Central og jafnaðar á móti bankanum.

Næsta skref er að stemma af bankareikning.

Ef eitthvað fer úrskeiðis

  • Engar færslur til að flytja Engin færsla var merkt, eða allar færslur eru þegar jafnaðar.
  • Lína kemur inn án reiknings. Kerfið fann hvorki viðskiptamann, lánardrottin né vörpun. Fylltu út reikninginn handvirkt.
  • Lína kemur inn með auða upphæð. Kveikt er á Hreinsa upphæð ef ekkert skjal til jöfnunar finnst og ekkert skjal fannst til að jafna á móti. Jafnaðu línuna og fylltu út upphæðina.

Öll skilaboð eru í Aðstoð.