Stofna innkaupareikninga úr kortafærslum
Úr kortafærslum í RdN Afstemming stofnar þú innkaupareikninga. Kerfið finnur lánardrottin út frá söluaðilanum á færslunni með kreditkortavörpun og hengir kvittunina við reikninginn. Þegar reikningurinn er bókaður er hann greiddur af bankareikningi kortsins. Ef söluaðilinn varpast á fjárhagslykil eða bankareikning er enginn innkaupareikningur stofnaður, heldur fer færslan í færslubók.
Sviðsmynd
Starfsmenn Dæmi ehf. kaupa eldsneyti, flugmiða og hugbúnað með fyrirtækiskortum. Eldsneytið kemur alltaf frá sama söluaðila, svo bókarinn varpar honum á lánardrottin og merkir að stofna eigi innkaupareikning sjálfkrafa. Áskrift að hugbúnaði fer beint á fjárhagslykil, svo hann varpar þeim söluaðila á fjárhagslykilinn og flytur færslurnar í færslubók. Í hverjum mánuði stofnar hann alla reikningana í einu og skoðar stöku færslurnar sjálfur.
Áður en þú byrjar
- Þú hefur lesið inn kortafærslurnar.
- Lánardrottnarnir, fjárhagslyklarnir eða bankareikningarnir sem varpað er á eru til í Business Central.
- Ef innkaupareikningar úr kortafærslum eiga að fá sérstaka númeraröð er hún valin í stillingum afstemmingar.
Skref fyrir skref
Varpa söluaðila á lánardrottin, fjárhagslykil eða bankareikning
-
Í Bankareikningshreyfingar (frá banka) velur þú Kreditkortavörpun. Síðan Vörpun kreditkorts á lánardrottin opnast.

-
Sláðu inn Auðkenni söluaðila eins og það er á kortafærslunni. Þú getur endað það á
*, til dæmisELDSNEYTI*, til að ná yfir alla afgreiðslustaði söluaðilans. -
Veldu Tegund vörpunar: Lánardrottinn, Fjárhagslykill eða Bankareikningur. Vörpun á lánardrottin stofnar innkaupareikning. Vörpun á fjárhagslykil eða bankareikning flytur færsluna í færslubók.
-
Veldu reikninginn í Reikningsnr. Nafn hans birtist í Heiti reiknings.
-
Ef færslur söluaðilans eiga að vinnast með sjálfvirku aðgerðinni hakar þú í Stofna innkaupareikning fyrir þennan lánardrottinn fyrir lánardrottin, eða í Búa til færslubókarlínu fyrir þennan reikning fyrir fjárhagslykil eða bankareikning.
-
Ef vörpunin á aðeins við um eitt kort velur þú Gera vörpun kortasértæka. Með Setja sjálfgefinn lánardrottin fyrir kort velur þú lánardrottin fyrir allar færslur kortsins sem hafa ekki aðra vörpun.
Ef þú breytir Tegund vörpunar hreinsast Reikningsnr. og sá rofi sem á ekki lengur við.
Vörpunarforgangur sýnir hvaða vörpun gildir: fyrst vörpun fyrir kortið og söluaðilann, síðan vörpun fyrir öll kort og síðast sjálfgefinn lánardrottinn kortsins. Almenn vörpun fyrir söluaðila gildir því á undan sjálfgefnum lánardrottni kortsins.
Þegar þú lokar Vörpun kreditkorts á lánardrottin uppfærast Stofna innkaupareikning og Búa til færslubókarlínu á kortafærslunum út frá vörpuninni.
Stofna innkaupareikninga
-
Til að stofna reikninga fyrir ákveðnar færslur merkir þú þær í Markað og velur Stofna innkaupareikning fyrir merktar línur.
-
Til að stofna reikninga fyrir allar færslur þar sem Stofna innkaupareikning er merkt, og flytja færslur þar sem Búa til færslubókarlínu er merkt í færslubók, velur þú Stofna innkaupareikninga fyrir sjálfvirkar línur. Áður en nýr reikningur er stofnaður leitar kerfið fyrst að reikningi með sömu Greiðslutilvísun. Það leitar líka að bókuðum og óbókuðum reikningi fyrir sama lánardrottin, með bókunardagsetningu frá deginum fyrir til dagsins eftir færsludag og upphæð með VSK sem munar minna en 0,01 frá færsluupphæðinni án formerkis. Þegar þú keyrir aðgerðina á margar línur tengir kerfið línuna við samsvarandi reikning án þess að spyrja. Ef þú keyrir aðgerðina á eina línu geturðu valið hvort þú opnar samsvarandi reikning; ef þú hafnar því stofnar kerfið nýjan.
-
Ef engin vörpun er til fyrir söluaðilann spyr kerfið Engin kreditkortavörpun finnst fyrir „%1“. Viltu búa til vörpun núna?
-
Kerfið sýnir samantekt: hversu margir reikningar voru stofnaðir, hversu margar línur voru tengdar við reikning sem var þegar til, hversu margar línur fara í færslubók og hversu mörgum var sleppt og af hverju.

-
Ef línur varpast á fjárhagslykil eða bankareikning heldur þú áfram í Flytja kortafærslur í færslubók hér að neðan. Annars býður kerfið að opna innkaupareikningana sem voru stofnaðir.
-
Opnaðu innkaupareikningana, fylltu út bókhaldslykil á línunni ef hann vantar og bókaðu.
Nýr reikningur fær dagsetningu færslunnar, færsluauðkennið sem reikningsnr. lánardrottins og greiðslutilvísun, verð með VSK og greiðsluhátt kortsins. Kvittunin fylgir sem innleið skjal. Númer reikningsins birtist í Nr. innkaupareiknings á kortafærslunni. Ef línan tengist reikningi sem er þegar til heldur sá reikningur sínum upplýsingum.
Flytja kortafærslur í færslubók
Færslur sem varpast á fjárhagslykil eða bankareikning fá ekki innkaupareikning. Þær fara í færslubók í sömu keyrslu og innkaupareikningarnir eru stofnaðir.
- Þegar aðgerðin er keyrð á fleiri en eina línu spyr kerfið í samantektinni Viltu flytja línurnar sem varpast á fjárhagslykil eða bankareikning í færslubók núna? Veldu Já. Ef þú velur Nei eru línurnar ekki fluttar og kerfið býður að opna innkaupareikningana. Á einni línu birtist samantektin og flutningurinn opnast strax á eftir.
- Á RdN Bankaafst. færð í færslubók velur þú Bókarsniðmát og Greiðslubunki.
- Ef færslubókin er ekki tóm spyr kerfið Það eru %1 fyrir í inngreiðslubókinni, viltu eyða þeim? Veldu Nei til að bæta línunum við þær sem fyrir eru.
- Færslubókin opnast. Yfirfarðu línurnar og bókaðu hana eins og venjulega.
Hver lína fær reikninginn úr vörpuninni sem mótreikning, færsluauðkennið í Númer utanaðk. skjals og kvittunina sem viðhengi. Færsla sem er þegar í færslubók, eða hefur verið bókuð þaðan, er ekki flutt aftur.
Hengja kvittun við eftir á
Ef kvittunin hafði ekki verið sótt þegar reikningurinn var stofnaður opnar þú innkaupareikninginn og velur Hengja kvittun við þegar myndin er komin. Kerfið sýnir Kvittunin var hengd við.
Niðurstaða
Innkaupareikningarnir eru bókaðir á lánardrottnana og greiddir af bankareikningi kortsins. Greiðslurnar jafnast á móti kortafærslunum þegar þú stemmir kortið af.
Ef eitthvað fer úrskeiðis
- Línu var sleppt án kreditkortavörpunar eða án reiknings í vörpuninni. Línurnar eru enn merktar. Lagaðu vörpunina og keyrðu aðgerðina aftur.
- Færsla fer ekki sjálfvirkt í færslubók. Staðfestu að Tegund vörpunar sé Fjárhagslykill eða Bankareikningur og að hakað sé í Búa til færslubókarlínu fyrir þennan reikning á þeirri vörpun sem hefur hæstan forgang.
- Röng tegund vörpunar. Aðeins vörpun á lánardrottin getur stofnað innkaupareikning, og aðeins vörpun á fjárhagslykil eða bankareikning getur búið til færslubókarlínu. Veldu rofann sem passar við Tegund vörpunar.
- Línu var sleppt án nafns tengds aðila. Bankinn sendi ekki söluaðila með færslunni. Stofnaðu reikninginn handvirkt.
- Innkaupareikningur %1 fyrir lánardrottin %2 með upphæð %3 á %4 er þegar til. Viltu opna hann í stað þess að stofna nýjan? Sama getur átt við bókaðan innkaupareikning. Athugaðu hvort reikningurinn eigi við færsluna áður en þú stofnar annan.
- Bókaður innkaupareikningur %1 fyrir lánardrottin %2 með upphæð %3 á %4 er þegar til. Viltu opna hann í stað þess að stofna nýjan? Opnaðu reikninginn og staðfestu að hann eigi við færsluna áður en þú stofnar annan.
- Sláðu inn að minnsta kosti einn staf á undan *. Auðkenni söluaðila má ekki vera bara
*. - Kvittun fylgir ekki. Notaðu Hengja kvittun við á innkaupareikningnum þegar myndin er komin.
Öll skilaboð eru í Aðstoð.