Stofna kröfur sjálfkrafa við bókun
Ef þú stofnar kröfu á flesta sölureikninga borgar sig að láta kerfið gera það sjálft. Þegar sölureikningur með ákveðnum greiðslumáta er bókaður stofnar Bankakerfi kröfu á hann í kröfubunka dagsins. Bókunin sendir ekki kröfuna í bankann; hún bíður þar til þú velur Framkvæma aðgerðir eða vinnsluröð sendir biðaðgerðir.
Sviðsmynd
Dæmi ehf. sendir 40 sölureikninga á dag og allir eru innheimtir með kröfu. Innheimtufulltrúinn vill ekki mynda kröfurnar handvirkt á hverjum degi. Reikningar með greiðslumátanum KRAFA eiga að fá kröfu við bókun, og vinnsluröð á að senda þær í bankann reglulega.
Áður en þú byrjar
- Kröfur eru settar upp og sjálfgefinn Innheimtuaðili er skráður.
- Greiðslumátinn fyrir kröfur er til og skráður á viðskiptamennina sem eiga að fá kröfu.
- Þú hefur heimild til að breyta Stillingar - RdN Kröfur og vinnsluröð.
Skref fyrir skref
-
Opnaðu Stillingar - RdN Kröfur.
-
Í flýtiflipanum Sjálfvirkni skaltu kveikja á Nota sama dags bókun.
-
Skráðu greiðslumátann, til dæmis KRAFA, í Greiðslumáti 1. Ef fleiri greiðslumátar eiga að stofna kröfur skaltu nota Greiðslumáti 2 til Greiðslumáti 7.

-
Veldu hvernig kröfurnar eru sendar í bankann. Opnaðu bunkann og veldu Framkvæma aðgerðir, eða settu upp vinnsluröð sem sendir biðaðgerðir reglulega; sjá Senda kröfur sjálfvirkt með vinnsluröð. Framkvæma aðgerð strax sendir valdar uppfærslur og niðurfellingar eldri krafna strax, en sendir ekki kröfu um leið og hún er stofnuð.
-
Bókaðu sölureikning með greiðslumátanum. Kerfið finnur opinn kröfubunka sem var stofnaður í dag fyrir greiðslumátann, eða býr hann til, og stofnar kröfuna í honum.

Niðurstaða
Hver bókaður reikningur með greiðslumátanum fær kröfu í kröfubunka dagsins. Lýsing bunkans er dagsetningin og bunkinn er merktur sem sjálfvirkur. Kröfunúmerið er skráð á viðskiptamannafærsluna. Krafan hefur Aðgerð Stofna þar til hún er send. Veldu Framkvæma aðgerðir eða notaðu vinnsluröðina til að senda biðaðgerðina.
Næsta skref er að senda kröfur sjálfvirkt með vinnsluröð.
Vinnsluröð í stað bókunar: RdN Create Claims JOB
Vinnsluröðin RdN Create Claims JOB (codeunit 10041509) stofnar líka kröfur sjálfkrafa, en á annan hátt. Þú þarft yfirleitt aðeins aðra leiðina.
| Við bókun | RdN Create Claims JOB | |
|---|---|---|
| Hvenær | Um leið og reikningur er bókaður | Þegar vinnsluröðin keyrir |
| Hvaða reikningar | Aðeins með greiðslumáta í Greiðslumáti 1 til 7 | Allir opnir reikningar viðskiptamanna sem eru ekki lokaðir, óháð greiðslumáta |
| Kröfubunki | Einn á dag fyrir hvern greiðslumáta | Einn á dag |
| Sendir í bankann | Nei | Nei |
- Notaðu bókunina ef aðeins sumir reikningar eiga að fá kröfu, til dæmis eftir greiðslumáta.
- Notaðu RdN Create Claims JOB ef allir opnir reikningar eiga að fá kröfu, líka eldri reikningar og reikningar sem urðu ekki til við bókun sölureiknings.
- Það skaðar ekki að nota hvort tveggja, því hvorug leiðin stofnar kröfu á færslu sem á kröfu fyrir. En vinnsluröðin stofnar þá líka kröfur á reikninga með öðrum greiðslumátum.
Hvorug leiðin sendir kröfurnar. Það gerir vinnsluröðin RdN Perform Operations, sjá Senda kröfur sjálfvirkt með vinnsluröð.

Ef eitthvað fer úrskeiðis
- Engin krafa varð til. Athugaðu að greiðslumáti reikningsins sé í einum af reitunum Greiðslumáti 1 til Greiðslumáti 7 og að eftirstöðvarnar nái lágmarksupphæðinni. Ef viðskiptamaðurinn er tengdur viðskiptamannastillingu gildir lágmark hennar; annars gildir Lágmarks upphæð kröfu í Stillingar - RdN Kröfur. Sjá Viðskiptamannastillingar.
- Krafan varð til en fór ekki í bankann. Veldu Framkvæma aðgerðir á bunkanum eða athugaðu að vinnsluröðin sem sendir kröfur sé í gangi.
Öll skilaboð eru í Aðstoð.