Fara beint í efni
Vegvísir

Leita í Vegvísi

Sláðu inn leitarorð til að finna leiðbeiningar.

English
Valmynd
Á þessari síðu

Dagsetningar á kröfum

Þessi síða er fyrir kerfisstjóra og ráðgjafa. Hver krafa hefur þrjár dagsetningar: gjalddaga, eindaga og niðurfellingardag. Bankakerfi reiknar þær þegar krafan er mynduð, út frá reikningnum og stillingunum sem þú velur hér.

Tilgangur

Gjalddagi er dagurinn sem krafan á að greiðast. Eindagi er síðasti dagur til að greiða án vanskilagjalds og dráttarvaxta. Eindagi er íslenskt hugtak og er ekki til í Business Central, svo Bankakerfi reiknar hann. Á niðurfellingardegi fellir bankinn kröfuna niður ef hún er ógreidd.

Kerfið reiknar dagsetningarnar svona:

DagsetningHvernig hún reiknast
GjalddagiGjalddagi reikningsins, ef hann er ekki liðinn. Ef hann er liðinn: dagurinn í dag að viðbættu Lágmarks tímabil gjaldaga. Dagsetning sem er valin þegar kröfur eru myndaðar gengur fyrir.
EindagiGjalddagi að viðbættri formúlunni í reitnum Gjalddagi. Tómur reitur þýðir að eindagi er sami og gjalddagi.
NiðurfellingardagurGjalddagi að viðbættu Niðurfellingar dagur. Tómur reitur þýðir 36 mánuðir.

Athugaðu að reiturinn sem heitir Gjalddagi í stillingunum reiknar í raun eindaga út frá gjalddaga.

Forsendur

  • Kröfur eru settar upp.

  • Greiðsluskilmálar viðskiptamannanna reikna gjalddaga reikninga eins og þú vilt. Gjalddagi reiknings reiknast út frá Greiðsluskilmálar á reikningnum, til dæmis 14D.

    Greiðsluskilmálar

Heimildir

Þú þarft heimild til að breyta Stillingar - RdN Kröfur og RdN Viðskiptamannastillingar.

Skref

Sama regla fyrir alla viðskiptamenn

  1. Opnaðu Stillingar - RdN Kröfur og farðu í flýtiflipann Kröfugerð.

  2. Skráðu formúlu í Gjalddagi, til dæmis 5D ef eindagi á að vera 5 dögum eftir gjalddaga. Skildu reitinn eftir tóman ef eindagi á að vera sami og gjalddagi.

    Eindagi reiknaður út frá gjalddaga

  3. Skráðu Lágmarks tímabil gjaldaga, til dæmis 3D. Það er notað þegar gjalddagi reikningsins er liðinn þegar krafan er mynduð.

  4. Skráðu Niðurfellingar dagur, oftast 36M eða 48M.

Önnur regla fyrir suma viðskiptamenn

  1. Opnaðu viðskiptamannastillingar viðskiptamannsins eða hópsins.

  2. Fylltu út Lágmarks tímabil gjaldaga, Gjalddagi og Niðurfellingar dagur í flýtiflipanum Tímabil. Þessar stillingar ganga fyrir stillingum krafna.

    Viðskiptamannastillingar

Ef ítarleg uppsetning innheimtuauðkenna er virk og innheimtuauðkenni passar við greiðslumáta kröfubunkans, ganga dagsetningar innheimtuauðkennisins fyrir báðum.

Staðfesta

Myndaðu kröfu og opnaðu kröfuspjaldið. Í flýtiflipanum Staða kröfu sérðu Gjalddagi, Eindagi og Niðurfellingar dagur.

Krafa með eindaga úr stillingum

Ef eindagi lendir á undan gjalddaga stöðvast sendingin með Eindagi er á undan gjalddaga á kröfu Nr. %1. Lagaðu eindagann á kröfunni. Sjá líka Aðstoð.