Sækja og bóka kröfugreiðslur
Þegar viðskiptamaður greiðir kröfu í heimabankanum skráir bankinn greiðsluna. Bankakerfi sækir greiðslurnar í RdN Kröfugreiðslur, færir þær í inngreiðslubók og stingur upp á jöfnun á móti opnum færslum viðskiptamannsins. Þú bókar svo bókina eins og hverja aðra inngreiðslubók.
Sviðsmynd
Prófun hf. greiddi kröfu frá Dæmi ehf. í gær. Bókarinn hjá Dæmi ehf. sækir greiðslur gærdagsins á morgnana, færir þær í inngreiðslubókina, fer yfir línurnar og bókar.
Áður en þú byrjar
- Kröfur eru settar upp og í flýtiflipanum Kröfugreiðslur eru Heiti bókarsniðmáts, Heiti bókarkeyrslu, Númeraröð greiðslna og fjárhagsreikningar fyrir vexti, gjöld og fjármagnstekjuskatt útfylltir.
- Bankinn staðfestir greiðslur á miðnætti. Greiðsla sem var greidd í dag verður sýnileg eftir kl. 01:00 í nótt.
Skref fyrir skref
-
Opnaðu RdN Kröfugreiðslur og veldu Sækja kröfugreiðslur frá banka.
-
Veldu Bankareikningur og tímabil í Frá dags. og Til dags. og veldu Í lagi.

Greiðslurnar birtast í listanum. Krafan sem var greidd fær Staða kröfu Greidd, eða Hluta greidd ef aðeins hluti var greiddur.

-
Ef einhver greiðsla á ekki að fara í bókina strax skaltu haka í Ekki hreyfa færslu á henni.
-
Veldu Færa kröfugreiðslur í inngreiðslubók. Ef línur eru þegar í bókinni spyr kerfið hvort eigi að eyða þeim.

-
Opnaðu inngreiðslubókina sem er skráð í stillingum krafna og farðu yfir línurnar:
- Hver greiðsla fær línu á viðskiptamanninn. Ef viðskiptamannafærslan er opin er jöfnun stungið upp á henni.
- Ef greitt var með vanskilagjaldi, tilkynningagjaldi eða vöxtum fær hvert gjald tvær línur til viðbótar: eina á viðskiptamanninn og eina á fjárhagsreikninginn úr stillingunum.
- Fjármagnstekjuskattur fer á Fjárhagsreikningur fjármagnstekjuskatts.
- Bankalínan fær greiddu upphæðina að frádregnum fjármagnstekjuskatti.

-
Ef jöfnun vantar á línu, til dæmis af því að reikningurinn var þegar jafnaður á móti annarri færslu, skaltu jafna línuna handvirkt.
-
Bókaðu bókina.
Niðurstaða
Greiðslurnar eru bókaðar á bankareikninginn og viðskiptamennina og opnu reikningarnir eru lokaðir. Í kröfugreiðslunum sýnir Bókað að færslan hefur verið bókuð. Bókaðar færslur getur þú svo fært í greiðslusafn.

Ef eitthvað fer úrskeiðis
- Greiðsla sem var greidd í dag kemur ekki. Bankinn staðfestir greiðslur á miðnætti. Sæktu hana aftur eftir kl. 01:00.
- Greiðsla kröfu %1 var gerð áður en bókunardagsetning skjalsins. Viltu sleppa núverandi línu? Greiðslan er eldri en reikningurinn sem hún jafnast á móti. Veldu Já til að sleppa línunni og jafna hana handvirkt.
- Færslum sleppt fyrir lokaðan viðskiptamann: %1 Viðskiptamaðurinn er lokaður og greiðslan fór ekki í bókina. Opnaðu viðskiptamanninn eða kveiktu á Leyfa bókun á lokaða viðskiptamenn.
- Krafa var greidd en reikningurinn hafði verið kreditfærður. Bókaðu greiðsluna án jöfnunar og endurgreiddu viðskiptamanninum.
Öll skilaboð eru í Aðstoð.