Fara beint í efni
Vegvísir

Leita í Vegvísi

Sláðu inn leitarorð til að finna leiðbeiningar.

English
Valmynd
Á þessari síðu

Setja upp kröfur

Þessi síða er fyrir kerfisstjóra og ráðgjafa sem setja upp kröfur í Bankakerfi. Þú setur upp númeraraðir, sjálfgefinn bankareikning, dagsetningar og gjöld krafna og inngreiðslubókina sem kröfugreiðslur fara í.

Tilgangur

Eftir uppsetninguna geta notendur stofnað kröfur á sölureikninga, sent þær í bankann og bókað greiðslurnar. Stillingarnar hér gilda fyrir allar kröfur nema annað sé sett í innheimtuauðkenni eða viðskiptamannastillingum. Kröfur fara sjálfgefið í bankann. Ef fyrirtækið lætur Gjaldskil sjá um þær, sjá Innheimta kröfur í gegnum Gjaldskil.

Forsendur

  • Bankaþjónusta og bankanotandi eru sett upp.
  • Bankareikningurinn sem innheimtir kröfurnar er settur upp með kennitölu, útibúi, kröfuhöfuðbók og innheimtuauðkenni frá bankanum.
  • Inngreiðslubók (bókarsniðmát og bókarkeyrsla) er til fyrir kröfugreiðslur.
  • Fjárhagsreikningar fyrir vexti, gjöld og fjármagnstekjuskatt eru til.

Heimildir

Þú þarft heimild til að breyta Stillingar - RdN Kröfur, númeraröðum og bankareikningum.

Skref

Þú getur notað RdN Kröfur - Uppsetning með hjálp sem leiðir þig í gegnum sömu reiti, eða opnað Stillingar - RdN Kröfur beint. Allir reitir eru útskýrðir í Stillingar krafna.

Kröfur - Uppsetning með hjálp

Kröfugerð

  1. Opnaðu Stillingar - RdN Kröfur.
  2. Veldu númeraröð í Kröfu Númeraröð. Kröfunúmerið fer í bankann og verður að vera 6 stafir, til dæmis frá 000001 til 999999.
  3. Veldu númeraröð í Kröfubunka nr.röð. Hún má vera hvernig sem er.
  4. Veldu bankareikninginn sem innheimtir kröfurnar í Innheimtuaðili. Nýir kröfubunkar fá hann.
  5. Settu gjöld í Tilkynningagjald og Annar kostnaður ef þau eiga að leggjast á kröfur, til dæmis seðilgjald.
  6. Fylltu út dagsetningarreitina, sjá Dagsetningar á kröfum.
  7. Kveiktu á Hlutagreiðsla leyfileg sjálfkrafa ef viðskiptamenn mega greiða hluta kröfu.
  8. Settu Lágmarks upphæð kröfu ef ekki á að stofna kröfur fyrir lágar upphæðir.
  9. Skráðu texta í Athugasemd á greiðsluseðli ef hann á að birtast á greiðsluseðlum.

Kröfugerð í stillingum krafna

Kröfugreiðslur

  1. Veldu inngreiðslubókina í Heiti bókarsniðmáts og Heiti bókarkeyrslu.
  2. Veldu Númeraröð greiðslna. Ef fylgiskjöl fjármagnstekjuskatts eiga að fá aðra númeraröð skaltu velja hana í Númeraröð fjármagns.
  3. Veldu fjárhagsreikninga í Fjárhagsreikningur vaxta, Fjárhagsreikningur gjalda og Fjárhagsreikningur fjármagnstekjuskatts.
  4. Kveiktu á Eitt fylgiskjalsnúmer á bók aðeins ef allar greiðslur eiga að fá sama fylgiskjalsnúmer. Það er sjaldgæft.
  5. Kveiktu á Lýsing færslu inniheldur tegund greiðslu ef lýsing línanna á að sýna hvort um innborgun, vexti eða gjöld er að ræða.

Bókun kröfugreiðslna

Sjálfvirkni

Ef kröfur eiga að verða til við bókun sölureiknings, sjá Stofna kröfur sjálfkrafa við bókun. Ef sækja á kröfugreiðslur sjálfkrafa, sjá Sækja kröfugreiðslur sjálfvirkt.

Staðfesta

  • Stofnaðu kröfubunka og athugaðu að hann fái númer og Innheimtuaðila.
  • Myndaðu fyrstu kröfuna og athugaðu gjalddaga, eindaga og gjöld á kröfuspjaldinu áður en þú sendir hana í bankann.
  • Ef eitthvað vantar sérðu það þegar kröfur eru sendar, sjá Aðstoð.