Greiða kröfur úr netbanka
Margir lánardrottnar senda reikninga sína sem kröfur sem birtast í netbanka fyrirtækisins. Í stað þess að greiða þær í netbankanum sækir þú þær inn í RdN Útgreiðslubók, greiðir þær þaðan og bókar greiðsluna á móti innkaupareikningnum.
Sviðsmynd
Prófun hf. sendir Dæmi ehf. kröfu í hverjum mánuði fyrir húsaleigu. Bókarinn sækir allar ógreiddar kröfur með eindaga í vikunni, greiðir þær og bókar. Ein krafan er komin fram yfir eindaga og ber dráttarvexti, sem bókast á sérstakan reikning.
Áður en þú byrjar
- Mótreikningur gjalda og Mótreikningur vaxta eru fylltir út í stillingum útgreiðslna. Án þeirra getur kerfið ekki búið til línur fyrir gjöld og vexti.
- Lánardrottinn er skráður með sömu kennitölu og kröfuhafinn.
Skref fyrir skref
Sækja ógreiddar kröfur
-
Opnaðu RdN Útgreiðslubók og veldu bunka og bankareikning.
-
Veldu Lesa ógreiddar kröfur frá banka og svaraðu Lesa inn kröfur frá bankanum? játandi.

-
Fylltu út Eindagi frá og Eindagi til. Fylltu út Nr. lánardrottins ef þú vilt aðeins greiða kröfur eins lánardrottins.

-
Kerfið spyr Fá sjálvirkar mismunalínur? Svaraðu játandi ef gjöld og dráttarvextir eiga að fá sínar eigin línur. Þá birtist %1 nýjar greiðslulínur búnar til.
-
Farðu yfir línurnar. Aðferð greiðslu er Krafa og kröfunúmerið er í Kröfunúmer. Kröfulína sem hefur ekki verið jöfnuð á móti innkaupareikningi er auðkennd. Jafnaðu hana með Jafna færslur.

-
Veldu Senda bunka í banka, síðan Athuga stöðu bunka og loks Bóka, eins og í Greiða lánardrottnum með millifærslu.
Para millifærslu við kröfu
Ef lánardrottinn hefur bæði sent reikning og kröfu getur þú greitt kröfuna í stað þess að millifæra.
- Veldu lánardrottnalínu þar sem Aðferð greiðslu er Millifærsla.
- Veldu Para við kröfu. Listinn RdN Ógreiddar kröfur opnast með kröfum úr bankanum.
- Veldu kröfuna. Bankareikningslínunni er skipt út fyrir kröfuna og lánardrottnalínan fær gjalddaga, eindaga og bókunardagsetningu kröfunnar.
Ef kveikt er á Para greiðsluuppástungur við kröfur gerir Greiðslutillögur til lánardr. þetta sjálfkrafa þegar krafa finnst fyrir sama reikning, með sama gjalddaga og sömu upphæð.
Niðurstaða
Kröfurnar eru greiddar í bankanum og hverfa úr netbankanum. Greiðslan er bókuð á móti innkaupareikningnum og gjöld og vextir á mótreikningana úr stillingunum.
Næsta skref er að greiða lánardrottnum.
Ef eitthvað fer úrskeiðis
- Mótreikningur tekn./kost. vantar í uppsetningu innheimtukerfis Mótreikningur gjalda eða Mótreikningur vaxta vantar í stillingar útgreiðslna.
- Það er aðeins leyfilegt að greiða kröfur fyrir þennan lánadrottinn Lánardrottinn er stilltur á Aðeins greiða kröfur. Millifærslulínan fær stöðuna Á villu. Eyddu henni og sæktu kröfuna.
- Ef eindagi kröfunnar er eftir Síðasti greiðsludagur í greiðslutillögunni kemur hvorki krafa né millifærsla fyrir reikninginn í bókina. Veldu seinni dagsetningu eða sæktu kröfuna seinna.
- Para við kröfu er óvirkt nema á lánardrottnalínu með Millifærsla.
Öll skilaboð eru í Aðstoð.