Fara beint í efni
Vegvísir

Leita í Vegvísi

Sláðu inn leitarorð til að finna leiðbeiningar.

English
Valmynd
Á þessari síðu

Staðfesta bankareikning

Röng bankareikningsnúmer eru ein algengasta ástæða þess að greiðsla fer á rangan stað eða er hafnað. Bankakerfi getur spurt bankann hvort reikningurinn sé til og skráður á kennitölu viðtakandans. Þú getur gert það þegar reikningurinn er skráður og aftur í útgreiðslubókinni áður en þú sendir greiðslurnar.

Sviðsmynd

Nýr lánardrottinn hjá Dæmi ehf. sendi bankaupplýsingar í tölvupósti. Bókarinn skráir reikninginn og staðfestir hann hjá bankanum áður en fyrsta greiðslan er send.

Áður en þú byrjar

  • Lánardrottinn eða viðskiptamaður er með kennitölu.
  • Bankareikningurinn er skráður með bankanúmeri, höfuðbók og reikningsnúmeri.
  • Bankareikningur fyrirtækisins er tengdur bankanum.

Skref fyrir skref

Á bankareikningi lánardrottins eða viðskiptamanns

  1. Opnaðu bankareikning lánardrottins eða viðskiptamanns.

  2. Veldu Athuga tilvist bankareiknings.

    Bankareikningur lánardrottins

  3. Ef bankinn staðfestir reikninginn birtist Tilvist bankareiknings staðfest og hakað er í reitinn Tilvist bankareiknings staðfest.

Í útgreiðslubók

  1. Opnaðu RdN Útgreiðslubók.
  2. Veldu Staðfesta tilvist bankareiknings til að athuga reikninginn á valinni línu, eða Staðfesta tilvist allra bankareikninga til að athuga allar línur sem bankinn hefur ekki enn staðfest. Kerfið spyr fyrst Viltu athuga tilvist allra bankareikninga í bókinni?
  3. Línur með reikningi sem bankinn finnur ekki fá stöðuna Á villu. Línur sem voru á villu en standast núna fá aftur stöðuna Ósend.

Niðurstaða

Þú veist að reikningurinn er til og tilheyrir viðtakandanum. Í útgreiðslubókinni eru aðeins línur með staðfestan reikning tilbúnar til sendingar.

Næsta skref er að greiða lánardrottnum.

Ef eitthvað fer úrskeiðis

  • Ekki tókst að staðfesta tilvist bankareiknings Bankinn fann ekki reikninginn á þessa kennitölu. Athugaðu bankanúmer, höfuðbók, reikningsnúmer og kennitölu og fáðu réttar upplýsingar frá viðtakandanum.
  • Sumar línur hafa ekki staðfestan bankareikning. Fjöldi: Lagaðu línurnar sem eru Á villu og athugaðu aftur.

Öll skilaboð eru í Aðstoð.