Fara beint í efni
Vegvísir

Leita í Vegvísi

Sláðu inn leitarorð til að finna leiðbeiningar.

English
Valmynd
Á þessari síðu

Jafna færslur handvirkt

Færslur sem jöfnuðust ekki sjálfvirkt jafnar þú í RdN Afstemming. Þú getur látið kerfið stinga upp á jöfnun eða merkt færslurnar sjálfur, til dæmis þegar ein innborgun í bankanum greiðir marga reikninga.

Sviðsmynd

Prófun hf. greiðir Dæmi ehf. þrjá reikninga með einni millifærslu. Í bankanum er ein færsla en í Business Central þrjár. Sjálfvirk jöfnun ræður ekki við það, svo bókarinn merkir færslurnar fjórar og staðfestir jöfnunina.

Áður en þú byrjar

Skref fyrir skref

Láta kerfið stinga upp á jöfnun

  1. Veldu Stinga uppá jöfnun (Shift+F11). Kerfið finnur færslu í bankanum og færslu í Business Central með sömu upphæð og merkir þær í Markað.

    Stinga uppá jöfnun

  2. Ef uppástungan er rétt velur þú Staðfesta jöfnun (F9).

  3. Ef hún er röng velur þú Ógilda uppástungu. Merkin eru tekin af og kerfið stingur ekki aftur upp á sömu pörun.

  4. Endurtaktu þar til engar fleiri uppástungur koma.

Merkja færslur sjálfur

  1. Hakaðu í Markað við færslurnar í Bankareikningshreyfingar (frá banka) og Bankareikningshreyfingar (í NAV) sem eiga saman. Þú getur líka valið nokkrar línur og valið Merkja valdar línur.
  2. Berðu saman Summa merktra færslna í báðum hlutum síðunnar. Þær eiga að vera jafnar og Heildarsumma merktra færslna efst á síðunni sýnir mismuninn.
  3. Veldu Staðfesta jöfnun (F9). Ef færslurnar eru ekki allar á sama degi spyr kerfið Færslur eru ekki allar á sama degi, jafna samt? Svaraðu játandi ef þær eiga saman.

Staðfesta jöfnun

Afturkalla jöfnun

  1. Veldu Afmarka á jafnaðar færslur til að sjá jafnaðar færslur.
  2. Merktu eina af færslunum í jöfnuninni og veldu Afturkalla jöfnun.
  3. Svaraðu Afturkalla jöfnun %1? játandi. Allar færslur með sama Afstemming ID verða ójafnaðar aftur.

Niðurstaða

Merktu færslurnar fá sameiginlegt Afstemming ID og hverfa úr listanum yfir ójafnaðar færslur.

Ef eitthvað fer úrskeiðis

  • Upphæðirnar stemma ekki! Summa merktra færslna er ekki sú sama báðum megin. Athugaðu Heildarsumma merktra færslna og merktu færslu sem vantar eða taktu merki af rangri færslu.
  • Veldu færslur sem skal jafna Engin færsla er merkt.
  • Velja verður ReconID sem skal afturkalla Merkta færslan hefur ekki verið jöfnuð. Veldu fyrst Afmarka á jafnaðar færslur.
  • Færsla í Business Central sem á heima annars staðar birtist. Afmarkaðu listann með Dagsetningarafmörkun eða afmörkunaraðgerðunum.

Öll skilaboð eru í Aðstoð.