Tollafgreiða sýnishorn
Þegar birgir sendir vöru án verðs, til dæmis sýnishorn, þarf hún samt tollverð. Það skráir þú á innkaupapöntuninni.
Sviðsmynd
Birgir Dæmi ehf. sendir sýnishorn með pöntun. Sýnishornið er á pöntuninni með verðinu 0, en tollverð þess er 5.000 kr.
Áður en þú byrjar
- Sýnishornið er lína á innkaupapöntuninni með upphæðina 0.
- Ákveðið er hvert gjöld á sýnishornum eiga að fara, með stillingunni Tollar á handvirkt skráðar línur í Stillingar tollakerfis.
Skref fyrir skref
-
Opnaðu innkaupapöntunina og skráðu tollverðið í Tollverðmæti línu á línu sýnishornsins.

-
Búðu til tollskýrsluna úr pöntuninni. Tollverðið fer í Vöruverð á tollskýrslulínunni.

-
Haltu áfram eins og með aðrar skýrslur: villuathugaðu, sendu, sæktu svör og bókaðu.
Niðurstaða
Gjöld á sýnishorninu eru bókuð samkvæmt Tollar á handvirkt skráðar línur: annað hvort á Fjárhagsreikningur tolla, eða sem kostnaðarauki á aðrar línur skýrslunnar sem hafa vörunúmer eða tengingu við pöntun. Ef engin slík lína er til fara gjöldin á fjárhagsreikninginn.
Næsta skref er að búa til innflutningstollskýrslu.
Ef eitthvað fer úrskeiðis
- „Athugið að Tollverðmæti línu er aðeins notað þegar Upphæð er 0“. Línan hefur verð. Tollverðmæti línu er þá ekki notað og tollverðið kemur af upphæð línunnar.
- Vöruverð á tollskýrslulínunni er 0. Tollverðmæti línu var skráð eftir að skýrslan var búin til. Veldu Endurreikna skýrslu.
Sjá Aðstoð.