Fara beint í efni
Vegvísir

Leita í Vegvísi

Sláðu inn leitarorð til að finna leiðbeiningar.

English
Valmynd
Á þessari síðu

Tengja flutningsgjaldareikning

Reikningar fyrir flutning og annan kostnað berast oft eftir á. Í stað þess að úthluta kostnaðaraukanum á hverja móttöku fyrir sig tengir þú reikninginn við tollskýrsluna og kerfið úthlutar honum á allar móttökur hennar.

Sviðsmynd

Flutningsaðili Dæmi ehf. sendir reikning fyrir sjóflutningi sendingar sem var tollafgreidd í síðustu viku. Bókarinn skráir reikninginn og tengir hann við bókuðu tollskýrsluna.

Áður en þú byrjar

  • Móttaka innkaupapantananna á tollskýrslunni er bókuð.
  • Kostnaðaraukinn fyrir flutninginn er til, sjá Kostnaðaraukar.

Skref fyrir skref

  1. Stofnaðu innkaupareikning, eða kreditreikning, á flutningsaðilann.

  2. Bættu við línu af tegundinni Gjald (vara) með kostnaðaraukanum og upphæðinni. Ekki úthluta henni.

  3. Veldu Setja kostnaðarauka á tollskýrslu ef tollskýrslan er óbókuð, eða Setja kostnaðarauka á bókaða tollskýrslu ef hún er bókuð.

    Tengja flutningsgjaldareikning

  4. Veldu tollskýrsluna í listanum.

Niðurstaða

Kostnaðaraukalínum sem var ekki úthlutað er úthlutað á móttökulínur tollskýrslunnar. Fjárhagslínur reikningsins fá víddir pöntunarinnar. Reikningurinn fær númer tollskýrslunnar og, ef reikningsnúmer lánardrottins er autt, tollskýrslunúmer eða sendingarnúmer með -ext aftan við, eftir stillingunni Reikningsnúmer lánadrottins. Bókaðu reikninginn eins og venjulega.

Næsta skref er að skrá skuldfærslu.

Ef eitthvað fer úrskeiðis

  • „Það eru tollskýrslulínur sem hafa ekki bókaða móttöku. Viltu samt halda áfram?“ Sumar pantanir á skýrslunni eru ekki mótteknar. Ef þú heldur áfram fá þær línur ekki kostnaðarauka.
  • Kostnaðaraukanum var ekki úthlutað. Aðeins línum sem hefur ekki verið úthlutað er úthlutað. Eyddu úthlutuninni og veldu aðgerðina aftur.

Sjá Aðstoð.