Búa til innflutningstollskýrslu
Innflutningstollskýrsla er búin til með aðstoð úr innkaupapöntunum. Sniðmát fyllir inn sjálfgefin gildi og línurnar koma úr pöntununum.
Sviðsmynd
Dæmi ehf. kaupir vörur af erlendum birgja og sendingin er komin til landsins. Starfsmaðurinn býr til tollskýrslu úr innkaupapöntuninni, villuathugar hana og sendir til tolls.
Áður en þú byrjar
- Innkaupapöntunin er á erlendan lánardrottin með réttum gjaldmiðli og bókunarflokkum.
- Vörurnar hafa tollnúmer, á vöruspjaldinu eða í Tollastillingar vörunúmera.
- Til er sniðmát tollskýrslu fyrir innflutning.
Skref fyrir skref
-
Opnaðu Tollskýrslur og veldu Ný innflutningsskýrsla m/aðstoð.
-
Í Nr. lánadrottins velur þú lánardrottin. Sniðmát hans fyllist í Sniðmát. Skildu reitinn eftir tóman ef pantanirnar eru frá fleiri en einum lánardrottni.
-
Veldu Sniðmát ef það fylltist ekki.
-
Í Sía innkaupapantana velur þú eina eða fleiri innkaupapantanir.

-
Veldu Í lagi. Tollskýrslan opnast með línum úr pöntununum.
-
Til að bæta við fleiri pöntunum velur þú Bæta innkaupapöntun við skýrslu og velur pantanirnar. Listinn sýnir aðeins pantanir sem eru ekki á annarri tollskýrslu.

-
Farðu yfir hausinn og línurnar og fylltu inn það sem vantar. Næst er að villuathuga og senda skýrsluna.
Margir lánardrottnar og gjaldmiðlar
Þú getur sett pantanir frá mörgum lánardrottnum og í mörgum gjaldmiðlum á sömu skýrslu. Pöntunin með hæstu upphæðina í íslenskum krónum ræður þá:
- Lánardrottinn hennar verður sendandi á skýrslunni.
- Gjaldmiðill hennar verður gjaldmiðill skýrslunnar og allar upphæðir umreiknast í hann.

Sýnishorn
Vörur sem birginn sendir án verðs, til dæmis sýnishorn, fá tollverð úr innkaupapöntuninni. Sjá Tollafgreiða sýnishorn.
Niðurstaða
Tollskýrslan hefur stöðuna Opin og er á listanum Tollskýrslur. Innkaupapantanirnar sjást í upplýsingakassanum Innkaupapantanir, þar sem þú getur líka bókað móttöku þeirra eða fjarlægt pöntun af skýrslunni.
Næsta skref er að villuathuga og senda tollskýrsluna.
Ef eitthvað fer úrskeiðis
- „Númerasería hefur ekki verið sett upp fyrir innflutningsskýrslur. Opnaðu stillingar tollakerfis og veldu númeraseríu.“ Settu númeraseríu í Stillingar tollakerfis.
- Pöntun sést ekki í listanum. Hún er þegar á annarri tollskýrslu. Fjarlægðu hana þaðan fyrst.
- „Fann engar innkaupapantanir til að bæta við“. Allar innkaupapantanir eru þegar á tollskýrslum.
- „Ekki hægt að bæta við innkaupapöntun á tollskýrslu sem hefur verið send til tolls.“ Aðeins er hægt að bæta við pöntun þegar skýrslan er Opin eða Á villu.
- Línu vantar tollnúmer. Settu tollnúmer á vöruna og veldu Endurreikna skýrslu. Endurreikningur sækir gildin aftur úr pöntununum og getur skrifað yfir breytingar sem þú gerðir.
Sjá Aðstoð.