Fara beint í efni
Vegvísir

Leita í Vegvísi

Sláðu inn leitarorð til að finna leiðbeiningar.

English
Valmynd
Á þessari síðu

Stöður og skeyti

Þessi síða er fyrir þá sem vinna tollskýrslur og vilja vita hvað reitir og aðgerðir gera. Hún lýsir stöðum tollskýrslu og skeytunum sem breyta þeim.

Yfirlit

Tollskýrsla og tollurinn skiptast á EDI skeytum. Skýrslan fer til tolls í CUSDEC skeyti og svörin breyta stöðu hennar.

Stöður

StaðaHvað hún þýðirHvað má gera
OpinSkýrslan er í vinnslu og hefur ekki verið send, eða hefur verið opnuð aftur.Breyta línum og senda.
SendSkýrslan hefur verið send til tolls og beðið er svars.Sækja tollsvar.
Á villuTollurinn sendi villu eða athugasemd.Laga skýrsluna og senda aftur.
Beiðni um skjölTollurinn biður um viðbótarskjöl.Senda skjölin og bíða næsta svars.
SkuldfærðTollurinn hefur skuldfært gjöldin.Bóka skýrsluna.
ÚtflutningsheimildÚtflutningur hefur verið heimilaður.Bóka útflutningsskýrsluna.

Aðeins er hægt að breyta línum og umbúðum þegar staðan er Opin eða Á villu.

Skeyti

SkeytiHvað það erÁhrif á stöðu
CUSDECTollskýrslan sem er send til tolls.Send
CUSERRVillur eða athugasemdir við skýrsluna.Á villu
CUSGERHöfnun á innlestri skýrslunnar.Á villu
CUSDORBeiðni um skjöl.Beiðni um skjöl
CUSPARAfhendingarheimild.Merkir skýrsluna með afhendingarheimild. Útflutningsskýrsla fær stöðuna Útflutningsheimild.
CUSTARSkuldfærsla gjalda.Innflutningur: Skuldfærð. Útflutningur: Útflutningsheimild.
CUSTAR-BAKBakfærsla skuldfærslu.Opin

Bókun

  • Innflutningsskýrsla þarf að vera Skuldfærð.
  • Útflutningsskýrsla þarf að vera Útflutningsheimild eða Skuldfærð.
  • Ekkert svar við skýrslunni má vera óunnið.

Annars kemur villan Staða verður að vera ... fyrir skýrslur af tegundinni ... eða Tollskýrslan er með óunnar tollsvör.

Gerð tollskýrslu

Gerð tollskýrslu er Venjuleg þar til skýrslan er leiðrétt. Þá verður hún Leiðrétting og Númer tollafgreiðslu hækkar um einn. Sjá Leiðrétta tollskýrslu.