Fara beint í efni
Vegvísir

Leita í Vegvísi

Sláðu inn leitarorð til að finna leiðbeiningar.

English
Valmynd
Á þessari síðu

Fylla út uppsetningarspjaldið

Kerfisstjóri fer yfir uppsetningarspjaldið til að ákveða hvernig rafræn skjöl eru send, móttekin og bókuð.

Tilgangur

Uppsetning rafrænna reikninga geymir grunnstillingar sem gilda fyrir öll rafræn skjöl í fyrirtækinu: hvernig viðskiptamenn og lánardrottnar finnast eftir kennitölu, hvert afrúnnun er bókuð, hvaða bókunartexti er notaður, hvaða BII staðall er sendur og hvernig villur eru tilkynntar. Tenging við skeytamiðlara er ekki hér heldur á dreifisvæði.

Uppsetning með aðstoð fyllir út nokkra af þessum reitum. Þessi síða lýsir öllu spjaldinu.

Forsendur

  • Kennitala (Registration No.) á síðunni Fyrirtækjaupplýsingar er útfyllt með kennitölu fyrirtækisins. Sjá auðkenni í stofngögnum.
  • Fjárhagslykill fyrir afrúnnun er til í bókhaldslyklinum.

Heimildir

Notandinn þarf heimildasafnið EDOCS. Síðan athugar við opnun hvort fyrirtækið hafi aðgang að eDocs í App Center.

Skref

  1. Leitaðu að Uppsetning rafrænna reikninga og opnaðu síðuna.

    Spjaldið Uppsetning rafrænna reikninga með flýtiflipunum Almennt og Athuganir

  2. Í flýtiflipanum Almennt skaltu fyrst stilla Kennitölureitur viðskiptamanna og Kennitölureitur lánadrottna. Sjálfgefið gildi er 1, sem er reiturinn Nr. Ef kennitalan er geymd í öðrum reit, til dæmis Kennitala (Registration No., reitur 25), skaltu slá inn númer þess reits. Annars finnast viðskiptamenn og lánardrottnar ekki eftir kennitölu.

  3. Veldu Fjárhagslykill afrúnnunar og Sjálfg. Bókunartexti. Sjálfgefni bókunartextinn er tómur eftir uppsetningu viðbótarinnar. Veldu til dæmis STANDARD, annars stöðvast skráning innkaupareiknings fyrir lánardrottna sem hafa ekki eigin bókunartexta. Sjá uppsetningu bókunarlýsingar.

  4. Veldu BII Staðall og ákveddu hvort Nota GLN sem sjálfgefið auðkenni á að vera valið.

  5. Farðu yfir hina flýtiflipana. Reitunum er lýst í töflunum hér á eftir.

  6. Stofnaðu dreifisvæði og úthlutaðu því viðskiptamönnum og lánardrottnum. Grunnstillingarnar einar senda ekki skjöl.

Dæmi: Kennitölur viðskiptamanna Dæmi ehf. eru geymdar í reitnum Kennitala (Registration No.). Kerfisstjórinn setur Kennitölureitur viðskiptamanna = 25, velur afrúnnunarlykil og STANDARD sem bókunartexta. Pöntun frá Prófun hf. finnur þá réttan viðskiptamann eftir kennitölu.

Almennt

ReiturÁhrif
Fjárhagslykill afrúnnunarLykill sem mismunur á upphæð rafræns reiknings og innkaupaskjals er bókaður á sem sérstök lína.
Kennitölureitur lánadrottnaNúmer reitsins á lánardrottnaspjaldi sem geymir kennitöluna. Sjálfgefið 1 (Nr.).
Kennitölureitur viðskiptamannaNúmer reitsins á viðskiptamannaspjaldi sem geymir kennitöluna. Sjálfgefið 1 (Nr.).
Sjálfg. BókunartextiBókunarlýsing sem er notuð þegar lánardrottinn hefur ekki eigin Uppsetning bókunartexta.
BII StaðallTS236 (sjálfgefið) er nýjasti staðallinn, TS136 sá eldri. Þegar skipt er í TS236 er athugað hvort skattflokkar vanti ástæðu undanþágu, sjá skattflokka.
Nota GLN sem sjálfgefið auðkenniÍ TS236-skjölum er GLN fyrirtækisins notað sem auðkenni þess gagnvart skeytamiðlara í stað kennitölu.

Athuganir

ReiturÁhrif
Mesta afrúnnunarupphæð (kr.)Ef afrúnnunarlína yrði hærri en þetta stöðvast skráning innkaupaskjals með villu. Við bókun er líka spurt hvort hætta eigi við ef upphæð BC-skjals og rafræns skjals víkja meira en þetta. 0 slekkur á bókunarathuguninni.
Eiginleikar til vörpunarHeiti vörueiginleika, aðskilin með kommum, sem eru notuð til að varpa á deild og verkefni.
Mesta frávik VSK prósentu (%)Leyfilegt frávik milli VSK-prósentu á rafrænni línu og innkaupalínu.
Leita að villum í vinnubókLeitar að villum í skjölum þegar vinnuskjal rafrænna reikninga opnast.

Banki

Útibú, Höfuðbók og Reikningsnúmer eru sett í greiðsluupplýsingar útsendra reikninga, svo móttakandi geti greitt inn á reikninginn.

Stillingar

ReiturÁhrif
Tengja viðhengiViðhengi rafræns skjals eru tengd BC-skjalinu sem er stofnað.
Úthlutun kostnaðaraukaHvernig kostnaðarauka er úthlutað á línur: Jafnt, Eftir upphæð, Eftir þyngd eða Eftir stærð.
Fleiri aukastafir í BIIFleiri aukastafir eru skrifaðir í útsend BII-skjöl.
Slökkva á ströngum aukastöfum í upphæðumUpphæðir eru sniðnar á eldri hátt. Notaðu aðeins ef nýja sniðið veldur vandræðum.
Ströng meðhöndlun afslátta á innleiðAfsláttur á innkominni línu er aðeins færður sem línuafsláttur ef hann er raunverulegur afsláttur.
Nr.röð reikninga, Nr.röð bókaðra reikninga, Nr.röð kreditreikninga, Nr.röð bókaðra kreditreikningaSérstakar númeraseríur fyrir innkaupaskjöl úr rafrænum skjölum. Ef þær eru tómar eru venjulegar númeraseríur notaðar.
Nota heimilisf. frá rafr. skjaliHeimilisfang úr rafræna skjalinu er sett á BC-skjalið.
Uppruni lýsingar úr eDoc línuHvaðan lýsing innkaupalínu kemur. Sjá töfluna hér á eftir.
Nota Unimaze Approvals bókunarlýsingarStofnar varpanir frá vöru á fjárhagslykil sjálfkrafa þegar bókunarupplýsingar eru á haus eða línu. Sjá Unimaze samþykktakerfi.
Nota ytri víddirVirkjar ytri víddir. Þá birtast Unimaze staða frá dags., Senda sjálfkrafa til samþykktar og tengill á uppsetningu ytri vídda.
Nota Lotunúmer og FyrninguLotunúmer og fyrningardagur eru sett á vörulínur.
Stofna lánardrottinNýr lánardrottinn er stofnaður sjálfkrafa við móttöku, með Sjálfgefið sniðmát fyrir lánardrottin.
Sækja ytri viðhengi frá UnimazeYtri viðhengi frá Unimaze eru sótt og hengd við rafræna skjalið.

Uppruni lýsingar úr eDoc línu gildir fyrir alla lánardrottna. Gildi annað en Sjálfgefið á lánardrottnaspjaldi gengur framar.

ValkosturLýsing innkaupalínu
Lýsing frá vörpun (sjálfgefið)Innkomni textinn er ekki notaður. Lýsingin kemur úr BC-færslunni, eða úr vörpuninni ef varpað er á fjárhagslykil og vörpunin hefur lýsingu.
SjálfgefiðLýsing línunnar, síðan nafn, síðan bókunarupplýsingar línunnar.
LýsingLýsing línunnar.
NafnNafn línunnar.
Lýsing + Nafn, Nafn + LýsingBæði gildin í þessari röð.

Ef valdir reitir eru tómir er notað það sama og með Sjálfgefið.

Villur

ReiturÁhrif
Senda tölvupósta v. villnaTölvupóstur er sendur sjálfkrafa þegar villa kemur upp, frá Kenni villunetfangs og Tengir við villunetfang til Email fyrir viðtakanda villuskilaboða.
Sleppa athugun á móttakandaEkki er athugað hvort móttekið skjal sé stílað á fyrirtækið.
Sleppa VSK athugun í vörpunVSK-prósenta innkominna lína er ekki borin saman við vörpun.
Sleppa umbreytingu með villustöðuAðeins skjöl með stöðuna Lesið eða Athugað í lagi eru skráð sjálfkrafa.
Tíðni endursendingaHve oft er sleppt að reyna aftur eftir villu í sendingu. Lægri tala þýðir oftar reynt.

Ítarlegt og EDI

ReiturÁhrif
Tengja við LS Central?Virkjar tengingu við LS Central.
X400 PósthólfX400-pósthólf fyrirtækisins í EDI-skjölum.
EDI dreifingaraðiliDreifingaraðili EDI-skjala.
Nota vörustrikam. úr eDocxStrikamerki vöru úr rafræna skjalinu er sent í EDI-skjölum.
Nota pöntunaraðseturEAN pöntunaraðseturs er notað sem birgir þegar EDI-innkaupapantanir eru sendar.

Geymsla

Sjá Azure Blob Storage og sjálfvirka hreinsun gagna.

Aðgerðir

AðgerðÁhrif
Stofna varpanirStofnar varpanir út frá eldri innkaupalínum.
Keyra uppsetningarkóða handvirktKeyrir sama kóða og við uppsetningu viðbótarinnar: setur aftur inn skilgreiningar gagnaskipta, XSLT-skrár og bókunarlýsingar kerfisins. Notaðu þetta ef villan „Engin skilgreining gagnaskipta fyrir %1“ kemur upp, til dæmis eftir að fyrirtæki hefur verið afritað.
Prófa Azure-tengingu, Flytja gögnSjá Azure Blob Storage.
EAN kenni birgjastöðvarOpnar EAN kenni birgðastöðva.
VarpanirOpnar varpanir.
Uppsetning BókunarlýsingarOpnar bókunarlýsingar.
Stillingar á Rafrænum Reikningum viðskiptavinarOpnar stillingar viðskiptamanna.
Stillingar Rafrænna Skjala LánardrottinsOpnar stillingar lánardrottna.

Staðfesta

  • Opnaðu viðskiptamann og athugaðu að gildið í reitnum sem Kennitölureitur viðskiptamanna vísar á sé kennitala hans.
  • Athugaðu móttakendur eða skráðu prófunarskjal og athugaðu að réttur viðskiptamaður eða lánardrottinn finnist og að bókunarlýsingin sé rétt.