Fara beint í efni
Vegvísir

Leita í Vegvísi

Sláðu inn leitarorð til að finna leiðbeiningar.

English
Valmynd
Á þessari síðu

EAN kenni birgjastöðva

Fyrirtæki með fleiri en eina birgðageymslu skrá hér EAN kenni hverrar þeirra.

Tilgangur

Þegar fyrirtæki hefur fleiri en eina birgðageymslu, til dæmis verslanir eða lagera, getur hver þeirra haft sitt eigið EAN kenni (GLN). Í EAN kenni birgjastöðva tengir þú EAN kenni við birgðageymslu í BC. Tengingin hefur áhrif bæði á send og móttekin skjöl.

Forsendur

  • Birgðageymslurnar eru til í BC.
  • EAN kenni hverrar birgðageymslu er þekkt. EAN kenni fyrirtækisins sjálfs er skráð í stofngögnum.

Heimildir

Notandinn þarf heimildasafnið EDOCS.

Skref

  1. Opnaðu Uppsetning rafrænna reikninga og veldu aðgerðina EAN kenni birgjastöðvar.

  2. Bættu við línu fyrir hverja birgðageymslu.

    EAN kenni fyrir birgðageymsluna AÐAL

ReiturÁhrif
Kóti birgjastöðvarBirgðageymslan í BC. Ein lína fyrir hverja birgðageymslu.
EAN kenniEAN kenni (GLN) birgðageymslunnar.
KaupandiEf hakað er við kemur birgðageymslan fram sem kaupandi í innkaupapöntunum í stað fyrirtækisins.

Áhrif á send skjöl

Þetta gildir um innkaupapantanir sem fara með birgðageymslu:

  • Kaupandi valinn: kaupandinn í pöntuninni er birgðageymslan, með EAN kenni hennar og heimilisfangi sendist-til. Á við um pantanir en ekki skilapantanir.
  • Kaupandi ekki valinn: kaupandinn er fyrirtækið, með kennitölu og EAN kenni úr stofngögnum. Afhendingarstaðurinn fær EAN kenni birgðageymslunnar.

Áhrif á móttekin skjöl

  • Reikningar og kreditreikningar frá lánardrottnum: ef EAN kenni kaupanda eða afhendingarstaðar í skjalinu finnst í listanum fær innkaupaskjalið þá birgðageymslu. Vörpun af tegundinni Aðsetur Lína gengur fyrir. Kerfið stofnar slíka vörpun sjálfkrafa þegar EAN kenni finnst í listanum.
  • Pantanir frá viðskiptamönnum: ef EAN kenni seljanda í pöntuninni finnst í listanum fær sölupöntunin þá birgðageymslu.
  • EDI skjöl: EAN kenni sem finnst í listanum er þekkt sem fyrirtækið sjálft.

Dæmi: Dæmi ehf. rekur tvo lagera, AÐAL og NORÐUR. Kerfisstjórinn skráir EAN kenni hvors lagers. Prófun hf. sendir reikning fyrir vörur sem voru afhentar á NORÐUR með EAN kenni þess lagers. Innkaupareikningurinn fær þá birgðageymsluna NORÐUR.

Staðfesta

  • Sendu prófunarpöntun með birgðageymslu og skoðaðu aðila kaupanda og afhendingarstaðar í rafræna skjalinu.
  • Taktu á móti skjali með EAN kenni birgðageymslu og athugaðu birgðageymsluna á innkaupaskjalinu.