Senda rafrænan sölureikning
Þegar þú bókar söluskjal á viðskiptamann sem er með dreifisvæði býr kerfið til rafrænt skjal á útleið. Hér sérðu hvernig þú yfirferð skjalið, bætir við viðhengjum, sendir það og sérð að sendingin hafi tekist.
Sviðsmynd
Dæmi ehf. selur Prófun hf. vörur fyrir 15.000 kr. Prófun hf. tekur við rafrænum reikningum og bókarinn vill að reikningurinn, ásamt fylgiskjali, berist sama dag.
Áður en þú byrjar
- Viðskiptamaðurinn sem reikningurinn færist á (Reikn.færist á viðskm.) er með Dreifisvæði í stillingum rafrænna reikninga. Ef þú veist ekki hvort hann getur tekið við skjölum skaltu fyrst athuga móttakendur.
- Dreifisvæðið er sett upp. PDF-afrit reikningsins fylgir aðeins ef Senda viðhengi er valið á dreifisvæðinu og staðall viðskiptamannsins er ekki EDI.
Skref fyrir skref
-
Bókaðu sölureikninginn eins og venjulega. Kerfið býr til rafrænt skjal af gerðinni Reikningur -út með stöðuna Sendist. Það sama gerist þegar þú bókar sölukreditreikning, sölupöntun, söluskilapöntun, þjónustureikning eða þjónustukreditreikning.
-
Opnaðu bókaða reikninginn og veldu Rafrænn reikningur til að opna skjalið. Þú getur líka fundið það á Vinnuskjal rafrænna reikninga.
-
Farðu yfir viðtakanda, línur og upphæðir. Ef þú hefur breytt stillingum viðskiptamannsins eftir bókun skaltu velja Uppfæra öll skjöl á útleið á vinnuskjalinu. Þá eru öll skjöl í stöðunni Sendist endurgerð út frá upprunaskjölunum.
-
Viðhengi bókaða reikningsins fylgja skjalinu sjálfkrafa. Til að senda fleiri fylgiskjöl skaltu velja Bæta við viðhengi í viðhengjahlutanum á spjaldinu og velja skrána. Hvaða skráartegundir má senda er í Viðhengi á rafrænum skjölum á útleið.
-
Ef dreifisvæðið notar JSON-lýsigögn (REST) geturðu valið Forprófa með Unimaze. Unimaze prófar skjalið án þess að senda það og birtir Forprófun lokið. Skoðaðu upplýsingareitinn fyrir villuleitarviðvaranir. eða Forprófun mistókst. Skoðaðu villur í upplýsingareitnum.
-
Veldu Senda. Þegar sendingin tekst birtist Lokið.

-
Ef þú sendir mörg skjöl í einu skaltu velja Senda skjöl fyrir öll dreifisvæði á vinnuskjalinu. Hún sendir skjöl á þeim dreifisvæðum þar sem Sjálfvirk vinnsla er valin. Til að senda reglulega er hægt að keyra sendingu í vinnsluröð.
Niðurstaða
Staða rafræna skjalsins verður Sending OK!. Ef dreifisvæðið er hjá Unimaze geturðu fylgst með því hvort skjalið hafi borist. Með Sækja afrit af skjalinu geturðu sótt afrit af sendu skjali.
Ef eitthvað fer úrskeiðis
- Ekkert rafrænt skjal varð til við bókun. Viðskiptamaðurinn var ekki með dreifisvæði þegar reikningurinn var bókaður. Skráðu dreifisvæðið og búðu skjalið til úr bókaða reikningnum.
- Þessi reikningur er nú þegar til sem rafrænn reikningur. Viltu opna hann? Þú valdir Búa til rafrænt skjal á reikningi sem á þegar rafrænt skjal. Kerfið býr ekki til annað; svaraðu Já til að opna það sem er til.
- Skjalið er ekki tilbúið til sendingar Skjalið er ekki í stöðunni Sendist, til dæmis vegna þess að það hefur þegar verið sent.
- Það er einungis hægt að senda skjöl á útleið Þú valdir Senda á skjali á innleið.
- Aðgerðin var ekki framkvæmd Dreifisvæðið sendi ekki skjalið. Farðu yfir dreifisvæðið og reyndu aftur.
- Viðskiptavinur %1 hefur ekki dreifisvæði. Skjal var ekki uppfært. Dreifisvæði var fjarlægt af viðskiptamanninum eftir bókun. Skráðu það aftur eða eyddu skjalinu.
- Ekkert skýrsluval er til fyrir notkun %1 Ekkert skýrsluval er til fyrir reikninginn, svo ekki er hægt að búa til PDF-afritið. Settu upp skýrsluval fyrir sölureikninga.
- Einungis er hægt að bæta viðhengjum við skjöl á útleið sem hafa ekki verið send. Skjalið er á innleið eða hefur þegar verið sent.
Öll skilaboð eru í Aðstoð.