Fara beint í efni
Vegvísir

Leita í Vegvísi

Sláðu inn leitarorð til að finna leiðbeiningar.

English
Valmynd
Á þessari síðu

Stofna reikning úr skannaðri mynd

Reikningar frá lánardrottnum berast oft sem PDF eða mynd. Í Listi skannaðra mynda býrðu til innkaupareikning eða kreditreikning úr myndinni, og myndin fylgir skjalinu alla leið í gegnum samþykktina.

Sviðsmynd

Bókari hjá Dæmi ehf. fær reikning frá Prófun hf. sem PDF. Hún les hann inn, stofnar innkaupareikning úr honum og fyllir út línurnar með myndina við hliðina.

Áður en þú byrjar

  • Reikningurinn er vistaður sem skrá sem þú hefur aðgang að.
  • Lánardrottinn er með Samþykkjendahóp, eða þú veist hvaða hóp á að velja.

Skref fyrir skref

  1. Opnaðu Listi skannaðra mynda. Til vinstri er listi mynda sem hafa ekki verið notaðar og til hægri sést valda myndin.

    Listi skannaðra mynda

  2. Veldu Flytja inn skjöl og veldu skrána. Ef viðbótin Drag and Drop er sett upp getur þú líka valið Draga og sleppa og dregið skrárnar inn.

    Draga og sleppa

  3. Veldu myndina og veldu Stofna innk.reikn. Innkaupareikningur opnast með myndina tengda. Ef þú velur fleiri myndir í einu fara hinar myndirnar á sama reikning. Fyrir kreditreikning velur þú Stofna kred.reikn.

  4. Veldu lánardrottin. Samþykkjendahópur fyllist út frá lánardrottninum ef hann er skráður þar. Fylltu út línurnar.

  5. Til að sjá myndina á reikningnum velur þú Myndir. Þar getur þú opnað myndina, bætt við mynd eða eytt henni.

Ef enginn mynd er til velur þú Stofna innk.reikn. án myndar eða Stofna kred.reikn. án myndar. Til að tengja mynd seinna velur þú Myndir á skjalinu og síðan Bæta við mynd. Þá opnast Listi skannaðra mynda og þú velur myndina.

Niðurstaða

Reikningurinn er til í stöðunni Opið með myndina tengda, og myndin er farin af Listi skannaðra mynda. Næst sendir þú hann í samþykkt, sjá Senda í samþykkt.

Ef eitthvað fer úrskeiðis

  • Draga og sleppa gefur Umbeðin síða fannst ekki. Viðbótin Drag and Drop er ekki sett upp. Notaðu Flytja inn skjöl.
  • Myndir spyr Það eru engar myndir tengdar þessu innkaupaskjali. Viltu bæta við mynd? Svaraðu Já og veldu myndina.
  • Röng mynd var lesin inn. Veldu hana og Eyða mynd.

Öll skilaboð eru í Aðstoð.