Aðstoð
Hér eru skilaboðin sem Samþykktakerfi birtir, flokkuð eftir því hvar þú rekst á þau, ásamt skýringu og því sem á að gera. Þar sem skilaboð innihalda breytilegt gildi, til dæmis númer reiknings, stendur „…“. Neðst á síðunni eru vandamál sem koma upp án skilaboða.
Senda í samþykkt
| Skilaboð | Skýring | Hvað á að gera |
|---|---|---|
| Innkaupareikningur … hefur engan samþykktarhóp. | Skjalið er ekki með Samþykkjendahóp, svo kerfið veit ekki hverjir eiga að samþykkja. Skilaboðin segja innkaupareikningur líka þegar skjalið er kreditreikningur eða pöntun. | Veldu Samþykkjendahóp á skjalinu, eða á lánardrottninum svo hann fylgi næstu skjölum, og sendu aftur. Sjá Senda í samþykkt. |
| Lína … í Reikning … hefur ekkert magn. Ertu viss um að þú viljir halda áfram? | Lína á skjalinu er án magns. Birtist aðeins ef kveikt er á Aðvörun á tómum línum. | Veldu nei og lagaðu línuna, eða já ef línan á að vera svona. |
| Lína … í Reikning … hefur enga upphæð. Ertu viss um að þú viljir halda áfram? | Lína á skjalinu er án upphæðar. Birtist aðeins ef kveikt er á Aðvörun á tómum línum. | Veldu nei og lagaðu línuna, eða já ef línan á að vera svona. |
| … Samþykktabeiðnir sendar | Samantekt eftir Senda samþykktabeiðnir fyrir valda reikninga. | Ekkert. Ef talan er lægri en fjöldi valinna skjala skaltu senda hin skjölin eitt og eitt til að sjá villuna. |
| Hætt við … samþykktabeiðnir | Samantekt eftir Hætta við samþykktabeiðnir fyrir valda reikninga. | Ekkert. Sjá Hætta við samþykktarbeiðni. |
| Fjöldi sendra áminninga: … / Fjöldi sendra tilkynninga: … | Samantekt eftir Senda áminningu í tölvupósti eða Senda tilkynningu. Talan er fjöldi tölvupósta. | Ef hún er 0 skaltu athuga tölvupóstinn, sjá Tölvupóstur. |
| Það eru engar myndir tengdar þessu innkaupaskjali. Viltu bæta við mynd? | Þú valdir Myndir á skjali sem er án myndar. | Veldu já til að velja mynd af Listi skannaðra mynda. Sjá Stofna reikning úr mynd. |
| Umbeðin síða fannst ekki | Þú valdir Draga og sleppa en viðbótin Drag and Drop er ekki sett upp. | Notaðu Flytja inn skjöl. Sjá Listi skannaðra mynda. |
Samþykkja, hafna og framsenda
| Skilaboð | Skýring | Hvað á að gera |
|---|---|---|
| Viltu skilja eftir athugasemd? | Þú hafnaðir skjali og Þvinga athugasemd á höfnun er ekki virkt. | Veldu já og skrifaðu ástæðuna, eða nei til að hafna án athugasemdar. Sjá Hafna reikningi. |
| Þú verður að skilja eftir athugasemd til að hafna samþykkt | Þvinga athugasemd á höfnun er virkt og engin athugasemd var vistuð. | Skrifaðu athugasemd og hafnaðu aftur. |
| Samþykktabeiðni þarf að vera opin til að hægt sé að áframsenda hana | Beiðnin er þegar samþykkt, hafnað eða hætt við hana. | Ekkert. Aðeins opnar beiðnir eru framsendar. |
| Þú hefur ekki leyfi til að áframsenda þessa samþykktabeiðni | Þú ert hvorki samþykkjandi beiðninnar né með heimild til að breyta samþykktarfærslum annarra. | Biddu samþykkjandann eða kerfisstjóra að framsenda hana. Sjá Framsenda samþykktarbeiðni. |
Línusamþykktir
| Skilaboð | Skýring | Hvað á að gera |
|---|---|---|
| Ertu viss um að þú viljir breyta línu sem hefur verið samþykkt? Ef svo er þá þarf að senda hana aftur í samþykkt. | Þú breyttir línu á innkaupapöntun sem er þegar samþykkt. | Veldu já ef breytingin á að standa. Sendu þá línuna aftur í samþykkt. Sjá Línusamþykktir. |
| Hætt við breytingu | Þú valdir nei við spurningunni hér að ofan. Línan er óbreytt. | Ekkert. |
Undanþágur
| Skilaboð | Skýring | Hvað á að gera |
|---|---|---|
| Þessi lánardrottinn hefur undanþágureglur samþykkta. Þetta skjal gæti verið undanþegið samþykktarferlinu. | Tilkynning á skjali þegar lánardrottinn er með virka undanþágureglu. | Veldu Athuga undanþágu eða Opna undanþágureglur. Sjá Sleppa samþykkt með undanþágu. |
| Þetta skjal samsvarar undanþágureglu … (…) fyrir lánadrottin …, upphæð … ± …%. Viltu sleppa samþykkt? | Skjalið samsvarar reglu, Spyrja við undanþágusamsvörun er virkt og þú valdir Senda samþykktarbeiðni. | Veldu já til að sleppa samþykkt, eða nei til að senda beiðnina. Útgefa athugar reglurnar án spurningar. |
| Skjal … er undanþegið samþykki og hefur verið bókað. Samsvarar undanþágureglu … (…) fyrir lánardrottinn …. | Skjalið samsvaraði reglu og fór framhjá samþykkt. Færsla er skráð í undanþágukladdann þegar það er bókað. | Ekkert. Sjá Undanþágukladdi. |
| Engin undanþáguregla samsvarar þessu skjali. | Athuga undanþágu fann enga reglu sem á við: lánardrottinn, tegund skjals, gjaldmiðill, upphæð eða fjárhagslykill passar ekki. | Berðu skjalið saman við reglurnar, eða sendu það í samþykkt. Sjá Undanþágureglur. |
| Undanþáguregla … (…) fyrir lánardrottin … hefur runnið út þann … og hefur verið óvirkjuð. | Gildistími reglunnar er liðinn. Kerfið gerði hana óvirka. | Framlengdu gildistímann og virkjaðu regluna aftur ef hún á enn við. |
| Undanþáguregla … (…) fyrir lánardrottin … fannst en mánaðarleg notkunartakmörk hennar hafa verið náð. | Takmörkin miðast við undanþegin skjöl sem þegar hafa verið bókuð í mánuði Bókunardagsetning. | Sendu skjalið í samþykkt, eða láttu kerfisstjóra fara yfir takmörk reglunnar. |
| Upphæð verður að vera jákvæð. | Upphæð á undanþágureglu er 0 eða neikvæð. | Skráðu jákvæða upphæð. |
| Ekki er hægt að eyða færslum í undanþágukladdanum. / Ekki er hægt að breyta færslum í undanþágukladdanum. | Færslur í kladdanum eru varanlegar. | Ekkert. Til að hætta að nota reglu skaltu gera hana óvirka. |
Uppsetning
| Skilaboð | Skýring | Hvað á að gera |
|---|---|---|
| Gat ekki virkjað verkflæðið. Opnaði verkflæðissíðuna til að sjá hvort það eru önnur virk verkflæði | Búa til/virkja Verkflæði gat ekki virkjað verkflæðið, oftast af því að annað virkt verkflæði á við sömu skjöl. | Slökktu á hinu verkflæðinu á síðunni sem opnaðist og veldu aðgerðina aftur. Sjá Stillingar samþykkta. |
| Það eru innkaupapantanir sem bíða samþykkis. Kláraðu eða afturkallaðu allar samþykktarbeiðnir fyrir innkaupapantanir áður en slökkt er á þessari stillingu. | Þú reyndir að slökkva á Kveikja á samþykktum fyrir innkaupapantanir á meðan pantanir bíða samþykkis. | Kláraðu eða hættu við samþykkt pantananna og reyndu aftur. Sjá Innkaupapantanir í samþykkt. |
| Notandi … er ekki til í notendastillingatöflunni | Notandinn sem þú valdir er ekki í Notandauppsetning. | Bættu notandanum við Notandauppsetning fyrst. |
| ATH: Valinn notandi hefur ekki netfang í notendastillingatöflunni | Notandinn fær engan tölvupóst frá Samþykktakerfi. | Skráðu netfang notandans í Notandauppsetning. Sjá Tölvupóstur. |
| Lykilorð eru ekki eins | Lykilorðin tvö fyrir notanda eldri samþykktavefsins eru ekki eins. | Skráðu sama lykilorðið í báða reitina. |
Samþykktavefur
| Skilaboð | Skýring | Hvað á að gera |
|---|---|---|
| Þú verður að slá inn vefbiðlaraauðkennið áður en samþykki stjórnanda er veitt. | Vefbiðlaraauðkenni er autt þegar þú velur Veita samþykki stjórnanda. | Fylltu út Vefbiðlaraauðkenni og reyndu aftur. Sjá Samþykktavefur. |
| Þú verður að slá inn vefslóð samþykktavefsins í reitinn Vefslóð þegar eldri vefurinn er notaður. Slökktu á Nota eldri vef til að nota nýja vefinn. | Kveikt er á Nota eldri vef en Vefslóð er auð. | Fylltu út Vefslóð, eða slökktu á Nota eldri vef. |
| Innkaupalínunúmer … er ekki leyft fyrir notanda … og línutegund …. | Samþykkjandi reyndi á samþykktavefnum að setja númer á línu sem honum er ekki leyft. | Bættu númerinu við í Breytanleg línunúmer, eða veldu leyft númer. Sjá Samþykktavefur. |
Vandamál án skilaboða
| Einkenni | Skýring | Hvað á að gera |
|---|---|---|
| Skjalið var gefið út strax án samþykktar. | Verkflæði samþykkta er ekki virkt, eða skjalið samsvaraði undanþágureglu. | Athugaðu Verkflæði samþykkta er virkt á Stillingar samþykkta og skoðaðu Undanþágukladdi. |
| Samþykkjandi fær engan tölvupóst. | Netfang vantar í Notandauppsetning, tölvupóstreikningur er ekki tengdur aðstæðunum RdN Tölvupóstur samþykkta, eða slökkt er á sendingunni á Stillingar samþykkta. | Sjá Tölvupóstur. |
| Samþykkjandi sér ekki beiðnina í Beiðnir til samþykktar. | Listinn sýnir aðeins opnar beiðnir þar sem hann er samþykkjandi. Beiðnin bíður kannski annars í hópnum fyrst. | Skoðaðu hver er Núverandi samþykkjandi á Staða samþykktarbeiðna. |
| Rangur hópur samþykkir skjalið. | Samþykkjendahópur kemur frá lánardrottninum þegar skjalið er stofnað. | Breyttu hópnum á skjalinu áður en það er sent, eða á lánardrottninum. Sjá Samþykkjendahópar. |
| Samþykkjendur á Stillingar samþykkta gerir ekkert. | Aðgerðin er ekki tengd neinni síðu. | Leitaðu að Notendaflokkar verkflæðis í staðinn. Sjá Samþykkjendahópar. |