Samþykktakerfi
Samþykktakerfi Rue de Net er viðbót við Business Central sem lætur innkaupareikninga, innkaupakreditreikninga og innkaupapantanir fara í samþykkt áður en þau eru gefin út og bókuð. Samþykkjendur samþykkja, hafna eða framsenda í Business Central eða á Samþykktavefnum.
Yfirlit
Kerfið byggir á verkflæði samþykkta í Business Central. Hvert innkaupaskjal fær Samþykkjendahóp, sem er notandaflokkur verkflæðis með einum eða fleiri samþykkjendum. Þegar skjalið er sent í samþykkt fá samþykkjendur hópsins samþykktarbeiðni, og skjalið er gefið út þegar allir sem þurfa hafa samþykkt.
| Skjal | Samþykkt í | Athugið |
|---|---|---|
| Innkaupareikningur | Haus og línum | Línusamþykktir eru valfrjálsar. |
| Innkaupakreditreikningur | Haus og línum | Sama ferli og reikningur. |
| Innkaupapöntun | Haus og línum | Aðeins ef kveikt er á samþykktum fyrir innkaupapantanir. |
Bókarar senda skjöl í samþykkt og fylgjast með þeim. Samþykkjendur vinna úr beiðnum sínum. Kerfisstjóri setur kerfið upp einu sinni.
Hvernig þetta virkar
- Reikningur verður til, oft úr skannaðri mynd, og fær samþykkjendahóp frá lánardrottni. Sjá Stofna reikning úr skannaðri mynd.
- Bókari sendir hann í samþykkt. Sjá Senda í samþykkt.
- Samþykkjendur fá tölvupóst og samþykkja, hafna eða framsenda. Sjá Samþykkja reikning.
- Þegar allir hafa samþykkt er skjalið gefið út og bókarinn bókar það. Ef því er hafnað fer það aftur í stöðuna Opið og bókarinn lagar það, sjá Hafna reikningi.
Endurteknir reikningar, til dæmis leiga, geta sleppt samþykkt með undanþágureglu, sjá Sleppa samþykkt með undanþágu.
Ávinningur
Enginn innkaupareikningur er bókaður án samþykktar þeirra sem bera ábyrgð á kostnaðinum. Hver samþykkt og höfnun er skráð með athugasemdum, svo það sést síðar hver samþykkti hvað og hvenær. Samþykkjendur geta unnið úr beiðnum á Samþykktavefnum án þess að opna Business Central.