Fara beint í efni
Vegvísir

Leita í Vegvísi

Sláðu inn leitarorð til að finna leiðbeiningar.

English
Valmynd
Á þessari síðu

Fyrstu skref

Þegar þú byrjar með Tímaskráningu þarftu tengdan forða og verkefni með verkhluta. Eftir það getur þú skráð tíma, sent til yfirferðar og búið til færslubókarlínu úr samþykktri skráningu.

Yfirlit

Viðbótin þarf að vera uppsett í Business Central. Kerfisstjóri úthlutar heimildum og tengir notandann við forða. Verkefnið þarf verkhluta sem má bóka á og samþykktaraðferð sem hentar vinnunni.

Hvernig þetta virkar

Tímaskráning geymir unnar klukkustundir. Samþykkjandi fer yfir þær og ákveður rukkanlegt magn. Síðan eru línur stofnaðar í færslubók verkefnis; það er ekki sjálfkrafa bókun eða útgáfa reiknings.

Uppsetning í réttri röð

  1. Farðu yfir grunnuppsetningu: heimildir, millibil og forða.
  2. Veldu samþykktaraðferð á verkhlutum og ábyrgðaraðila þar sem samþykktar er krafist.
  3. Ákveddu hvort nota eigi Jira. Þegar sú virkni er virk velur þú Jira mál í stað verkefnis á tímaskráningarspjaldinu. Sjá Jira tengingu.
  4. Bættu við tillögum eða markmiðum aðeins ef þeirra er þörf.

Fyrsta verkið

Hjá Dæmi ehf. er tveggja tíma vinna skráð á verkefni 1000 og verkhluta 10 þann 26. október 2026. Skráðu tímann, sendu til samþykktar og láttu ábyrgðaraðila yfirfara skráninguna. Næst má stofna færslubókarlínu.

Ávinningur

Þú sérð hvar tímarnir eru í ferlinu og þarft ekki að slá þá aftur inn í færslubók. Ef dagatalið opnast ekki eða sending stöðvast skaltu byrja á Aðstoð.