Viðhengi

Viðhengi eru þau skjöl sem tengd hafa verið reikningnum í Business Central — oftast PDF-mynd af reikningnum sjálfum.

Viðhengi við hlið reikningsins

Í tölvu birtast viðhengin í hægri dálki reikningsyfirlitsins, við hlið upplýsinganna. Þannig getur þú borið saman reikninginn og skráninguna án þess að skipta um glugga.

Ef fleiri en eitt viðhengi er á skjalinu birtist flipi fyrir hvert þeirra efst í dálkinum. Flipinn heitir eftir tegund skjalsins. Viðhengjum er raðað þannig að PDF-skjöl koma fyrst, síðan myndir og loks önnur skjöl.

Skilaboð	Merking
Engin viðhengi	Ekkert viðhengi er á skjalinu.
Veldu viðhengi	Viðhengi eru til staðar en ekkert er valið — smelltu á flipa.
Ekki er hægt að forskoða þessa skrá	Skráargerðin styður ekki forskoðun. Skránni er þá hlaðið niður í staðinn.

Studdar skráargerðir

Gerð	Birting
PDF	Opnast í innbyggðum PDF-lesara með síðuflettingu og aðdrætti.
Myndir (JPG, PNG, GIF, BMP, WEBP, SVG, TIFF)	Birtast beint.
HTML	Birtist í ramma.
XML	Birtist sem texti.
Annað	Hlaðið niður.

Opna PDF beint úr listanum

Í töfluyfirlitinu er dálkur lengst til hægri með PDF-tákni. Smelltu á það til að opna fyrsta PDF-viðhengi skjalsins í glugga, án þess að opna reikninginn.

Í glugganum eru þessir hnappar:

Hnappur	Lýsing
Sýna stórt / Hlið við hlið	Skiptir á milli þess að sýna viðhengið á fullum skjá eða við hlið reikningsins.
×	Lokar glugganum.

Viðhengi í síma

Í síma er sérstakur flipi, Viðhengi, í reikningsyfirlitinu. Fyrsta viðhengið hleðst sjálfkrafa þegar flipinn er opnaður.

Sjá einnig Notkun í síma.

Hvernig komast viðhengi á reikninginn?

Viðhengi eru tengd við reikninginn í Business Central, t.d. með því að draga skjal á reikninginn eða úr lista skannaðra mynda. Sjá Draga og sleppa og Listi skannaðra mynda.