Hoppa yfir í efnið

Samþykkja og hafna

Samþykkja stakt skjal

  1. Opnaðu skjalið úr listanum.
  2. Farðu yfir reikningsyfirlitið og viðhengin.
  3. Smelltu á Samþykkja neðst til hægri.

Aðgerðahnappar

Á meðan aðgerðin er í gangi birtast skilaboðin Framkvæmi aðgerð... Þegar hún klárast hverfur skjalið úr listanum og næsti reikningur opnast sjálfkrafa. Ef ekkert skjal er eftir ferðu aftur í samþykktalistann.

Hafna stöku skjali

  1. Smelltu á Hafna.

  2. Í glugganum velur þú ástæðu höfnunar úr fellilistanum og getur skrifað nánari lýsingu.

    Höfnunargluggi

  3. Smelltu á Hafna til að staðfesta, eða Hætta við.

Ástæðan verður að athugasemd

Ástæðan og lýsingin eru vistaðar sem athugasemd á skjalinu. Bókarinn sér því strax hvers vegna skjalinu var hafnað. Sjá Athugasemdir.

Fellilistinn með ástæðum er skilgreindur í Business Central. Ef enginn listi er til staðar getur þú einfaldlega skrifað lýsinguna.

Fjöldaafgreiðsla

Þú getur samþykkt eða hafnað mörgum skjölum í einu.

  1. Merktu við gátreitina við þau skjöl sem á að afgreiða. Gátreiturinn í fyrirsögninni velur allt í einu.

    Valin skjöl

  2. Neðst til hægri sýna hnapparnir Hafna og Samþykkja fjölda valinna skjala.

  3. Smelltu á þann hnapp sem á við.

Þegar mörg skjöl eru afgreidd í einu er unnið úr þeim hverju á fætur öðru og teljari sýnir framvinduna, t.d. (2/5).

Hafna mörgum í einu

Höfnunarglugginn opnast einu sinni og sama ástæða og lýsing eru notaðar fyrir öll valin skjöl.

Hafna mörgum

Hvað gerist í Business Central?

Samþykkt eða höfnun á vefnum er nákvæmlega sú sama og ef hún væri gerð í Business Central:

  • Samþykkja — samþykktarbeiðnin er kláruð. Ef þú varst síðasti samþykkjandi verður skjalið tilbúið til bókunar.
  • Hafna — beiðninni er hafnað og skjalið fer aftur til þess sem sendi það.

Sjá einnig Samþykkja reikning og Hafna reikningi.

Ef aðgerðin mistekst

Skilaboð Skýring
Villa: … Business Central hafnaði aðgerðinni. Textinn á eftir kemur frá Business Central.
Þú hefur ekki nauðsynlegar heimildir í Business Central… Notandann vantar samþykktarheimildir. Hafðu samband við kerfisstjóra.

Aðgerðahnapparnir eru óvirkir ef skjalið er ekki með stöðuna Opið — t.d. ef einhver annar er þegar búinn að afgreiða það.