Aðstoð
Ef innlestur H3-launaskrár stöðvast eða færslurnar eru ekki eins og þú bjóst við skaltu finna skilaboðin eða einkennin hér. Ekki bóka fyrr en færslurnar stemma við launauppgjörið.
Innlestur
Í eyðingarspurningunni stendur „…“ fyrir fjölda lína og heiti keyrslu.
| Skilaboð | Skýring | Hvað á að gera |
|---|---|---|
| Dagsetningarsnið á innfluttu skjali stemmir ekki við H3 Laun stillingarnar | Dagsetningu í skránni er ekki hægt að lesa með völdu sniði. | Opnaðu H3 Uppsetning og samræmdu Dagsetningarsnið við skrána, til dæmis dd/MM/yy fyrir 31/01/26. Skoðaðu innihald keyrslunnar og lestu aftur inn. Sjá Fyrstu skref. |
| Viltu Eyða … færslum sem voru áður úr bókinni …? | Valin keyrsla inniheldur línur. Innlestur bætir ekki nýjum línum við þær. | Veldu Já aðeins ef eyða á öllum línum keyrslunnar, annars Nei og veldu tóma keyrslu. Sjá Flytja inn launafærslur. |
| Hætti við innlestur. | Þú svaraðir Nei við eyðingarspurningunni. Innlestur var stöðvaður og línunum ekki eytt. | Veldu tóma keyrslu og reyndu aftur ef halda á fyrirliggjandi línum. |
| Villa um lánardrottin, viðskiptamann, greiðsluskilmála eða vídd sem finnst ekki. | Stofngögn skrárinnar vantar eða eru ekki gild í fyrirtækinu. Orðalag fer eftir reitnum. | Athugaðu númer og víddargildi í H3-skránni og viðeigandi stofngögn í Business Central. Lagaðu þau, skoðaðu innihald keyrslunnar og reyndu aftur. |
Vandamál án skilaboða
| Einkenni | Skýring | Hvað á að gera |
|---|---|---|
| Dagsetningar lesast inn en eru rangar. | Snið getur túlkað dag og mánuð í öfugri röð án villu. | Berðu saman við H3-skrána og leiðréttu Dagsetningarsnið. Lestu skrána aftur inn áður en þú bókar. |
| Upphæð lesst ekki inn eða stemmir ekki. | Skráin er ekki á því talnasniði sem innlesturinn getur lesið. | Notaðu bókhaldsskrána úr H3, ekki Excel-vinnubók. Fáðu aðstoð hjá Rue de Net ef talnasnið hennar lesst ekki rétt. |
| Eldri línur hurfu eftir innlestur. | Já í eyðingarspurningunni eyðir öllum eldri línum í valinni keyrslu, ekki aðeins H3-línum. | Ekki bóka ófullkomna keyrslu. Endurskráðu færslur sem þurfa að vera með og notaðu tóma keyrslu næst. |
| Uppsetning eða innlestur stöðvast á aðgangsathugun. | Aðgangur er athugaður í App Center í framleiðsluumhverfi þegar App Center er uppsett. | Biddu kerfisstjóra eða Rue de Net að athuga aðgang fyrirtækisins. |