Fara beint í efni
Vegvísir

Leita í Vegvísi

Sláðu inn leitarorð til að finna leiðbeiningar.

English
Valmynd
Á þessari síðu

Prentun límmiða

Kerfisstjóri velur hvernig límmiðar fara úr Business Central í prentara. Rétt val kemur í veg fyrir að sending sé tilbúin hjá flutningsaðila en pakkningarnar bíði eftir límmiðum.

Tilgangur

Velja prentunaraðferð fyrir afgreiðsluna og prófa einn límmiða áður en sjálfvirk prentun er virkjuð.

Forsendur

Límmiðaprentari er tiltækur. Universal Print þarf uppsetta prentaraþjónustu; PrintNode þarf þjónustuaðgang, biðlara á tölvu með aðgang að prentaranum og viðbótina RdN PrintNode Integration.

Heimildir

Kerfisstjóri þarf aðgang að prentara- og tengistillingum. Geymdu lykla í viðeigandi uppsetningu, aldrei í lýsingu farmbréfs eða viðhengi.

Skref

  1. Opnaðu Stillingar farmbréfa og veldu Prentunaraðferð:

    AðferðHvað gerist
    SjálfgefiðBC-skýrslur opnast til prentunar; PDF-skjal frá flutningsaðila er sótt í vafra. Notandinn sér um prentun, ekki bakgrunnsverk.
    Universal PrintLímmiðar fara á uppsettan Universal Print-prentara. Prentaraval hefur forgang; annars er Sjálfgefinn miðaprentari notaður. Ef hvorugt vísar á uppsettan prentara getur ekkert prentast án skilaboða.
    PrintNodePDF-límmiðar fara í gegnum PrintNode. Val á aðferðinni stofnar prentaðstæðuna Waybills, sem tengja þarf við límmiðaprentarann.
  2. Fyrir PrintNode: stofnaðu þjónustuaðgang á PrintNode, settu biðlarann upp á tölvu sem sér prentarann og skráðu þig inn. Prentaðu prufuskjal þar áður en þú heldur áfram.

  3. Búðu til API-lykil hjá PrintNode og skráðu hann í PrintNode Integration-uppsetningunni í BC. Prófaðu tengingu og endurhlaðaðu prentaralistanum.

  4. Eftir að PrintNode er valið á farmbréfastillingum tengirðu Waybills í PrintNode-aðstæðum við rétt prentarakenni. Samþætting við venjulega BC-prentun er valkvæð; hún gerir prentarana tiltæka fyrir aðrar skýrslur en er ekki forsenda fyrir þessari prentaðstöðu.

PrintNode valið sem prentunaraðferð

Fyrir prentun úr handtölvum skaltu nota PrintNode; uppsetningin varar við að Universal Print styðji ekki það notkunartilfelli.

Staðfesta

Prentaðu af fyrirliggjandi farmbréfi, til dæmis fyrir tvær pakkningar til Dæmis ehf. Athugaðu réttan prentara, stærð, heimilisfang og fjölda límmiða áður en þú virkjar sjálfvirka prentun.

Pósturinn skilar ekki límmiða úr prentaðgerðinni í þessari útgáfu. Almenn uppsetning prentara leysir það ekki. Hafðu samband við flutningsaðilann um límmiða fyrir slíka sendingu.