Innskráning og útskráning

Innskráning

1. Opnaðu vefslóð Samþykktavefsins í vafra, approvals.ruedenet.net.

2. Á forsíðunni smellir þú á Innskráning.

   

   Í síma birtist sama forsíða í þrengra útliti.

   

3. Skráðu þig inn með Microsoft aðganginum þínum (Microsoft Entra ID). Þetta er sami aðgangur og þú notar fyrir Office/Microsoft 365.

4. Eftir innskráningu opnast listinn Samþykktabeiðnir.

Ekki þarf sérstakt lykilorð

Samþykktavefurinn notar Microsoft innskráningu. Það er ekkert sérstakt lykilorð fyrir vefinn og ekkert sérstakt Business Central lykilorð. Vefurinn sækir gögnin í Business Central í þínu nafni og með þínum heimildum.

Innskráningin gildir í allt að 14 daga. Ef þú hefur skráð þig inn áður og aðgangurinn er enn virkur ferðu beint inn á listann án þess að þurfa að slá inn neitt.

Skipta um notanda

Ef þú ert með fleiri en einn Microsoft aðgang smellir þú á Skipta um notanda neðst í valmyndinni til vinstri. Þá birtist gluggi þar sem þú velur hvaða aðgang á að nota.

Útskráning

Smelltu á Skrá út neðst í valmyndinni. Staðfestu í glugganum sem birtist.

Aðgangur að skjölum

Þú sérð aðeins þau skjöl sem bíða samþykktar hjá þér — annaðhvort beint á þig eða á samþykkjendahóp sem þú tilheyrir. Uppsetning samþykkjenda fer fram í Business Central, sjá Samþykkjendahópar.

Tenging rofnar

Samþykktavefurinn er í stöðugu sambandi við netþjóninn. Ef sambandið rofnar (t.d. ef tölvan fer í svefn eða netið dettur út) birtist skilaboðaskjár sem reynir sjálfkrafa að tengjast aftur. Ef það tekst ekki smellir þú á Reyna aftur eða endurhleður síðunni.