Stuðningur við Samþykktakerfi Unimaze

Bókhaldslykill (e. Accounting Cost)

Í Samþykktakerfi Unimaze er hægt að setja bókhaldslykil (e. Accounting Cost) annað hvort á reikningshaus eða -línu.

Þá er hugmyndin að ef bókhaldslykill er settur á hausinn þá eigi hann að fara á allar línur. Ef hann er settur á línu á hann að fara á þá línu sem hann er settur á. Loks ef bókhaldslykill er settur á bæði haus og línur á lykillinn í hausnum að fara á allar línur nema þær sem sett er sérstaklega á.

Kveikja á virkni

Hægt er að kveikja á auknum stuðningi við þessa bókhaldslykla með því að haka við "Nota Unimaze Approvals bókunarlýsingar"

Ef sá valmöguleiki er virkur býr kerfið til eDoc varpanir frá vörum yfir í fjárhagsreikninga sjálfvirkt þar sem bókunarupplýsingar á annað hvort haus eða línu eru notaðar sem fjárhagsreikningskóti. Bókhaldslykill á línu hefur þá hærri forgang en á haus.

Sleppa virkni fyrir einstaka reikninga

Hægt er að sleppa þessari virkni fyrir einstaka reikninga með því að haka við "Sleppa Unimaze bókunarupplýsingum" undir "Athugun" á rafrænum reikningi.

Víddir (e. Reference Identifiers)

Í Samþykktakerfi Unimaze er hægt að setja víddir (e. Reference Identifier) á reikningshausa og línur.

Víddir úr Samþykktakerfi Unimaze byggja á staðli frá Peppol (sjá hér).

Til að þessar víddir skili sér alla leið á reikning í BC þarf að virkja "Ytri víddir" í Uppsetningu rafrænna reikninga. Einnig þarf að mynda uppsetningarfærslur fyrir þær ytri víddir sem á að styðja við og samsvörun þeirra við BC víddir.

Sjá uppsetningu ytri vídda og notkun þeirra nánar hér.

Athugið að þessar víddir eru einungis studdar í innlestri BII skeyta.