Meðhöndlun kröfugreiðslna

Hér verður lýst hvernig hægt er að meðhöndla kröfugreiðslur í kerfinu.

Aðgerðir

1. Lesa inn kröfugreiðslur :

Þegar viðskiptavinur borgar kröfu í heimabanka þá skilar kröfugreiðslan sér til kröfuhafa daginn eftir. Reiknistofa Bankana staðfestir allar kröfur á miðnætti.

Mælt er með að sækja kröfugreiðslur frá banka á hverjum degi. Hægt er að setja það upp sem sjálfvirkni í verkraða, sjá hér.

Kröfugreiðsla inniheldur allskonar upplýsingar, t.d. kröfunúmer, viðskiptavin, upphæð greiðslu, upphæð dráttarvaxta auk annarra gjalda og dagsetning greiðslu.

Kerfið les þessar upplýsingar í rétta reiti til þess að mappa við fjárhagslykla í bókun.

Kröfugreiðslur safnast svo saman á þessa síðu en þegar þær hafa verið bókaðar í fjárhag eru þær merktar með bláu haki fremst. Um leið og kröfugreiðsla hefur verið sótt frá banka breytist staða kröfu í "Greidd" ef krafa er greidd að fullu. Ef um hlutagreiðslu er að ræða, þá verður staðan áfram "Opin" þangað til hún er fullgreidd.

2. Færa kröfugreiðslur í inngreiðslubók:

Notandi þarf að færa kröfugreiðslur í inngreiðslubók til að bóka þær í fjárhag.

2.1. Full greiðsla færð í inngreiðslubók:

Í inngreiðslubók verða til 2 línur:

• Bankareikningslína: Kerfið fyllir út með bankareikningsnúmeri sem krafan var stofnuð á og upphæð sem var lögð í banka.

• Viðskiptamannalína: Kerfið fyllir út með númeri viðskiptamanns sem greiddi kröfuna og upphæð sem var greidd. Ef krafan var búin til á einni viðskiptamannafærslu og sú færsla er ennþá opin mun kerfið leggja til jöfnun á þeirri færslu. Ef færslan finnst ekki verður sá reitur skilinn eftir tómur og hægt er að velja "Jafna færslur handvirkt".

Það getur gerst að færslan hefur verið t.d. kreditfærð í millitíðinni en krafan ekki felld niður og því greidd. Ef svo er þarf að bóka kröfugreiðslu án jöfnunar og svo endurgreiða viðskiptavini og jafna endurgreiðslu við fyrri greiðslu.

Eftir bókun á inngreiðslubók þá bókast bankareikningsfærsla og viðskiptamannafærsla. Ef greiðslan jafnast við reikning í viðskiptamannafærslu þá lokast þær.

2.2. Greiðsla auk dráttarvaxta og aukagjalda færð í inngreiðslubók:

Ef krafan ber aukagjöld (seðilgjald, vanskilagjalda...) og auk þess var greidd eftir eindaga og dráttarvextir hafa reiknast á kröfuna þá er kröfugreiðsla sótt auk vaxta og annarra gjalda.

Þegar kröfugreiðslan er færð inn í banka notar kerfið Stillingar - Kröfugreiðslur til að sækja réttan bókhaldslykil fyrir aukagjöld.

Í inngreiðslubók verða til fleiri en 2 línur:

• Bankareikningslína: Kerfið fyllir út með bankareikningsnúmeri sem krafan var stofnuð á og upphæð sem var lögð í banka.

• Viðskiptamannalína: Kerfið fyllir út með númeri viðskiptamanns sem greiddi kröfuna og upphæð sem var greidd.

• Viðskiptamannalína í öfugu formerki: Þarna er verið hægt að færa dráttarvexti úr viðskiptamannafærslu til að bóka á fjárhagslykil á móti.

• Fjárhagsfærsla: Kerfið fyllir út með fjárhagslyklli sem var sett í Stillingar - Kröfugreiðslur til að bóka dráttarvexti.

Ef það eru fleiri aukagjöld, t.d. vanskilagjald, fjármagnstekjuskattur o.fl, þá bætast við fleiri línur í inngreiðslubók á viðeigandi bókhalslykla sem hafa verið settir í Stillingar - Kröfugreiðslur.

2.3. Kröfugreiðsla sem er hlutagreiðsla færð í inngreiðslubók:

Ferlið er alveg eins og um fulla greiðslu sé að ræða.

Krafan verður áfram með stöðuna "Opin" á meðan að hún er ekki fullgreidd.

Hlutagreiðslan jafnast við sölureikning og þá minnka eftirstöðvar reiknings en reikningur er ennþá opinn þangað til krafa er að greidd að fullu.